Khajuraaho dreams | മറ്റൊരു റോഡ് മൂവി പ്രതീക്ഷയാകുമോ? ഖജുരാഹോ ഡ്രീംസ് ട്രെയ്ലർ
- Published by:user_57
- news18-malayalam
Last Updated:
അഞ്ച് സുഹൃത്തുക്കളുടെ ആത്മബന്ധവും ഇവര് നടത്തുന്ന റോഡ് ട്രിപ്പുമാണ് ചിത്രത്തിന്റെ പ്രധാന പശ്ചാത്തലം
അർജുൻ അശോകൻ, ശ്രീനാഥ് ഭാസി, ഷറഫുദ്ദീൻ എന്നിവർ കേന്ദ്ര കഥാപാത്രങ്ങളാകുന്ന റോഡ് മൂവി ഖജുരാഹോ ഡ്രീംസിന്റെ ട്രെയ്ലർ പുറത്തിറങ്ങി. മോഹൻലാലിന്റെ ഫേസ്ബുക്ക് പേജ് വഴിയാണ് ട്രെയ്ലർ പുറത്തിറങ്ങിയത്. നവാഗതനായ മനോജ് വാസുദേവാണ് ചിത്രം സംവിധാനം ചെയ്യുന്നത്. ധ്രുവന്, അതിഥി രവി എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങൾ. ഗുഡ് ലൈന് പ്രൊഡക്ഷന്സിന്റെ ബാനറില് എം.കെ. നാസറാണ് ചിത്രം നിര്മ്മിക്കുന്നത്. ഒരു റോഡ് മൂവി എന്നതിനപ്പുറം പ്രണയവും ചിരികളും ദുരൂഹതയും എല്ലാം നിറച്ചാണ് ട്രെയ്ലർ പുറത്തിറങ്ങിയിരിക്കുന്നത്.
Also read: Samadhana Pusthakam | കലാഭവൻ ഷാജോണിന്റെ മകൻ യോഹൻ സിനിമയിലേക്ക്; ‘സമാധാന പുസ്തകം’ ആലുവയിൽ ആരംഭിച്ചു
കോമഡി പശ്ചാത്തലത്തിലൂടെ കഥ പറയുന്ന ഈ മള്ട്ടി സ്റ്റാര് ചിത്രത്തില് ശക്തമായൊരു സാമൂഹിക പ്രശ്നം കൂടി ചര്ച്ച ചെയ്യുന്നുണ്ട്. മലയാള സിനിമയില് ഇതുവരെ കാണാത്ത ലൊക്കേഷനുകളിലാണ് ചിത്രം ഒരുക്കിയിരിക്കുന്നത്. മധ്യപ്രദേശിലെ പ്രസിദ്ധ ക്ഷേത്രമായ ഖജുരാഹോ ക്ഷേത്രവും ചിത്രത്തിലെ സുപ്രധാന ലൊക്കേഷനുകളില് ഒന്നാണ്. സൗഹൃദത്തിന്റെ കൂടി കഥയാണ് ചിത്രം. അഞ്ച് സുഹൃത്തുക്കളുടെ ആത്മബന്ധവും ഇവര് നടത്തുന്ന റോഡ് ട്രിപ്പുമാണ് ചിത്രത്തിന്റെ പ്രധാന പശ്ചാത്തലം.
advertisement
സച്ചി – സേതു കൂട്ടുകെട്ടിലെ സേതുവിന്റെതാണ് ചിത്രത്തിന്റെ തിരക്കഥ. ഗോപി സുന്ദറാണ് ചിത്രത്തിന്റെ സംഗീതവും പശ്ചാത്തലസംഗീതവും നിര്വഹിച്ചിരിക്കുന്നത്. ബോളിവുഡ് താരം രാജ് അർജുൻ, ജോണി ആന്റണി, ചന്തുനാഥ്, സോഹൻ സീനുലാല്, സാദിഖ്, വര്ഷാ വിശ്വനാഥ്, നൈന സർവ്വാർ, രക്ഷ എന്നിവർ മറ്റു കഥാപാത്രങ്ങളെ അവതരിപ്പിക്കുന്നു.
advertisement
പ്രദീപ് നായര് ഛായാഗ്രഹണവും ലിജോ പോള് എഡിറ്റിങ്ങും നിര്വ്വഹിക്കുന്നു. ഹരിനാരായണന്റെതാണ് വരികള്. കലാസംവിധാനം – മോഹന് ദാസ്, മേക്കപ്പ്, കോസ്റ്റ്യൂം ഡിസൈന് – അരുണ് മനോഹര്, പ്രൊഡക്ഷന് എക്സിക്യൂട്ടീവ് – പ്രതാപന് കല്ലിയൂര്, സിന്ജോ ഒറ്റത്തൈക്കല്, പ്രൊഡക്ഷന് കണ്ട്രോളര് – ബാദുഷ, പി.ആര്.ഒ. – വാഴൂർ ജോസ്, ആതിര ദില്ജിത്ത്, ഫോട്ടോ – ശ്രീജിത്ത് ചെട്ടിപ്പിടി.
Summary: Trailer for the movie Khajuraaho Dreams released. The film promises to be an engaging road movie starring the notable young faces in Malayalam cinema
Click here to add News18 as your preferred news source on Google. സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Apr 22, 2023 9:35 AM IST
മലയാളം വാർത്തകൾ/ വാർത്ത/Film/
Khajuraaho dreams | മറ്റൊരു റോഡ് മൂവി പ്രതീക്ഷയാകുമോ? ഖജുരാഹോ ഡ്രീംസ് ട്രെയ്ലർ
