Empuraan | സാറെ എമ്പുരാന്‍റെ വര്‍ക്ക് തുടങ്ങിയോ? 'എന്‍റെ പണി തുടങ്ങി'യെന്ന് സംഗീത സംവിധായകന്‍ ദീപക് ദേവ്

മലയാള സിനിമാ പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന ലൂസിഫറിന്‍റെ പ്രീക്വല്‍  എമ്പുരാനെ കുറിച്ചുള്ള പുതിയ അപ്ഡേറ്റ് നല്‍കി സംഗീത സംവിധായകന്‍ ദീപക് ദേവ്. മുരളി ഗോപിയുടെ തിരക്കഥയില്‍ പൃഥ്വിരാജ് സംവിധാനം ചെയ്യുന്ന ചിത്രം മോഹന്‍ലാലിന്‍റെ കരിയറിലെ ഏറ്റവും സുപ്രധാന ഘട്ടത്തിലാണ് തയാറെടുക്കുന്നത്. എമ്പുരാന്‍റെ വര്‍ക്ക് തുടങ്ങിയോ എന്ന മാധ്യമപ്രവര്‍ത്തകന്‍റെ ചോദ്യത്തിന് ഷൂട്ടിങ് കുറച്ച് മാസങ്ങള്‍ക്കകം ആരംഭിക്കുമെന്നും ചിത്രത്തിന്‍റെ പാട്ടുകള്‍ ഒരുക്കുന്ന പണികള്‍ തുടങ്ങിയെന്നും ദീപക് ദേവ് പ്രതികരിച്ചു. ഒരു മാസ് ഐറ്റം തന്നെ പ്രതീക്ഷിക്കാം എന്ന സൂചനയും അദ്ദേഹം നല്‍കി. ആശാ ശരത്തിന്‍റെ മകള്‍ ഉത്തരയുടെ വിവാഹത്തില്‍ പങ്കെടുക്കാനെത്തിയപ്പോഴായിരുന്നു ദീപക് ദേവ് ഇക്കാര്യം പറഞ്ഞത്.