'പൊറാട്ട് നാടകം'! കേക്ക് മുറിച്ച് മധുരം പങ്കിട്ട് സൈജു കുറുപ്പിന്റെയും കൂട്ടരുടെയും വിജയാഘോഷം

മലയാള ചിത്രം 'പൊറാട്ട് നാടകത്തിന്' തിയേറ്ററുകളിൽ വൻ വരവേൽപ്പ്. ചിരിച്ച് ആസ്വദിച്ച് കാണാൻ കഴിയുന്ന തികച്ചും ആക്ഷേപഹാസ്യ ഫോര്‍മാറ്റില്‍ ഒരുക്കിയിരിക്കുന്നതാണ് ചിത്രമെന്നാണ് പ്രേക്ഷകാഭിപ്രായം. അന്തരിച്ച സംവിധായകൻ സിദ്ദിഖ് അവതരിപ്പിക്കുന്ന സിനിമയാണിത്. ഇടപ്പള്ളി വനിത തിയേറ്ററിൽ നടന്ന സെലിബ്രിറ്റി ഷോയ്ക്ക് ശേഷം സിനിമയുടെ വിജയാഘോഷം കേക്ക് മുറിച്ച് അണിയറപ്രവർത്തകർ ആഘോഷിക്കുകയുണ്ടായി. സംവിധായകൻ നൗഷാദ് സാഫ്രോൺ, സൈജു കുറുപ്പ്, തിരക്കഥാകൃത്ത് സുനീഷ് വാരനാട്, ധർമ്മജൻ ബോൾഗാട്ടി, നടി ഐശ്വര്യ മിഥുൻ, രാഹുൽ മാധവ്, ഗീതി സംഗീത തുടങ്ങിയവർ സന്നിഹിതരായിരുന്നു.