യോഗി ആദിത്യനാഥിന്‍റ കാല്‍ തൊട്ടുവണങ്ങിയ സംഭവം; വിശദീകരണവുമായി രജനികാന്ത്

സംഭവത്തിൽ വിശദീകരണവുമായി രജനികാന്ത് രംഗത്ത്.

സന്യാസിമാരുടെ കാലിൽ തൊട്ടു വന്ദിക്കുന്നതാണ് ശീലമെന്നും തന്നേക്കാൾ പ്രായം കുറഞ്ഞവരാണെങ്കില്‍ പോലും സന്യാസിമാരോട് ആദരം അറിയിക്കുന്നത് ഇങ്ങനെയാണെന്നും രജനികാന്ത് പറഞ്ഞു. ചെന്നൈയിൽ തിരിച്ചെത്തിയതിന് ശേഷം വിവാദങ്ങളെക്കുറിച്ചുള്ള മാധ്യമപ്രവര്‍ത്തകരുടെ ചോദ്യത്തിന് മറുപടിയായാണ് രജനികാന്തിന്റെ പരാമര്‍ശം. അതേസമയം ജയിലര്‍ മികച്ച വിജയമാക്കിയതിന് രജനികാന്ത് ജനങ്ങള്‍ക്ക് നന്ദി പറയുകയും ചെയ്തു.

ഓഗസ്റ്റ് 19ന് ആയിരുന്നു യോഗി ആദിത്യനാഥിനെ രജനികാന്ത് സന്ദര്‍ശിച്ചത്. ലഖ്നൗവിലെ ഔദ്യോഗിക വസതിയിലെത്തിയാണ് രജനി യുപി മുഖ്യമന്ത്രിയെ കണ്ടത്. കാറില്‍ നിന്ന് നേരെയിറങ്ങിയ സൂപ്പര്‍ സ്റ്റാര്‍ യോഗി ആദിത്യനാഥിന്‍റെ കാല്‍ തൊട്ടുവണങ്ങിയാണ് തന്‍റെ ആദരവ് പ്രകടിപ്പിച്ചത്