Peddi: ബോക്സ് ഓഫീസ് തിരിച്ചുപിടിക്കാൻ രാം ചരൺ; ആവേശമായി 'പെദ്ധി' ടീസർ

നടൻ രാം ചരണ്‍ നായകനായി അഭിനയിക്കുന്ന ഏറ്റവും പുതിയ പാന്‍ ഇന്ത്യന്‍ ചിത്രം പെദ്ധിയുടെ ടീസർ പുറത്ത്. ബുച്ചി ബാബു സനയാണ് ചിത്രത്തിന്റെ സംവിധാനം നിർവഹിക്കുന്നത്. ക്രിക്കറ്റിന്റെ പശ്ചാത്തലത്തിൽ ഒരു പക്കാ റോ ആക്ഷൻ ചിത്രമാകും 'പെദ്ധി' എന്ന സൂചനയാണ് ടീസർ നൽകുന്നത്. ചിത്രം 2026 മാർച്ച് 27 ന് ആഗോള റിലീസായി തീയേറ്ററുകളിൽ എത്തും. ജാന്‍വി കപൂര്‍ നായികയായെത്തുന്ന 'പെദ്ധി' രാം ചരണിന്റെ പതിനാറാമത്തെ ചിത്രമാണ്. വൃദ്ധി സിനിമാസിന്റെ ബാനറില്‍ വെങ്കട സതീഷ് കിലാരു ആണ് ചിത്രത്തിന്റെ നിര്‍മാണം. മൈത്രി മൂവി മേക്കര്‍സ്, സുകുമാര്‍ റൈറ്റിങ്‌സ് എന്നിവര്‍ ചേര്‍ന്നാണ് ഈ ബിഗ് ബഡ്ജറ്റ് ചിത്രം അവതരിപ്പിക്കുന്നത്. ചിത്രത്തില്‍ കന്നഡ സൂപ്പര്‍താരം ശിവരാജ് കുമാറും നിര്‍ണായക വേഷം ചെയ്യുന്നുണ്ട്. എ ആർ റഹ്‌മാൻ ആണ് സിനിമയ്ക്കായി സംഗീതം ഒരുക്കുന്നത്.