ഓണത്തിനും മുൻപേ സൈജു കുറുപ്പിന്റെ 'ഭരതനാട്യം' കാണാം; റിലീസ് തിയതി

നടൻ സൈജു കുറുപ്പ് (Saiju Kurup) ആദ്യമായി നിർമ്മാണ രംഗത്തെത്തുന്ന 'ഭരതനാട്യം' (Bharatanatyam) എന്ന ചിത്രത്തിൻ്റെ നിർമ്മാണ പ്രവർത്തനങ്ങൾ പൂർത്തിയായിരിക്കുന്നു. ചിത്രം ഓഗസ്റ്റ് 30ന് പ്രദർശനത്തിനെത്തുന്നു. നവാഗതനായ കൃഷ്ണദാസ് മുരളിയാണ് ചിത്രം തിരക്കഥ രചിച്ച് സംവിധാനം ചെയ്യുന്നത്. ഏറെ ശ്രദ്ധേയമായ ഒരു പിടി ചിത്രങ്ങൾ നിർമ്മിച്ചു പോരുന്ന തോമസ് തിരുവല്ലാ ഫിലിംസും സൈജു കുറുപ്പ് എൻ്റെർടൈൻമെൻ്റിൻ്റെ ബാനറിൽ ലിനി മറിയം ഡേവിഡ്, അനുപമാ നമ്പ്യാർ എന്നിവരാണ് നിർമാണം.