ഗ്രാമീണ ജീവിതത്തിൻ്റെ ലാളിത്യവും, വേഷവിധാനവും; സൈജു കുറുപ്പിന്റെ 'ഭരതനാട്യം' പുതിയ പോസ്റ്റർ

കൃഷ്ണദാസ് മുരളി തിരക്കഥ രചിച്ച് സംവിധാനം ചെയ്യുന്ന ചിത്രം തികഞ്ഞ ഒരു കുടുംബകഥ പറയുന്നു. നർമ്മ മുഹൂർത്തങ്ങളിലൂടെ കാമ്പുള്ള ഒരു കുടുംബകഥ പറയുന്ന ചിത്രത്തിൻ്റെ കഥാപുരോഗതിയിൽ അപ്രതീക്ഷിതമായ ചില വഴിത്തിരിവുകളും ഉണ്ടാവുന്നു. തോമസ് തിരുവല്ലാ ഫിലിംസ് ഇൻ അസ്സോസ്സിയേഷൻ വിത്ത് സൈജു കുറുപ്പ് എന്റർടൈൻമെൻ്റിൻ്റെ ബാനറിൽ ലിനി മറിയം ഡേവിഡ്, അനുപമാ നമ്പ്യാർ എന്നിവരാണ് ചിത്രം നിർമ്മിക്കുന്നത്.

സൈജു കുറുപ്പ് നായകനായി അഭിനയിക്കുന്ന ചിത്രത്തിൽ സായ്കുമാർ പ്രധാനപ്പെട്ട ഒരു കഥാപാത്രത്തെ അവതരിപ്പിക്കുന്നു. കലാരഞ്ജിനി, സോഹൻ സീനു ലാൽ, മണികണ്ഠൻ പട്ടാമ്പി, സലിം ഹസ്സൻ, ശ്രീജ രവി, ദിവ്യാ എം. നായർ, ശ്രുതി സുരേഷ്, എന്നിവരും പ്രധാന വേഷങ്ങളിലുണ്ട്.

ഗാനങ്ങൾ - മനു മഞ്ജിത്ത്, സംഗീതം -സാമുവൽ എബി, ഛായാഗ്രഹണം - ബബിലു അജു, എഡിറ്റിംഗ് - ഷഫീഖ് വി.ബി., കലാസംവിധാനം - ബാബു പിള്ള, മേക്കപ്പ് - കിരൺ രാജ്, കോസ്റ്റിയൂം ഡിസൈൻ- സുജിത് മട്ടന്നൂർ, നിശ്ചല ഛായാഗ്രഹണം -ജസ്റ്റിൻ ജെയിംസ്, ചീഫ് അസോസിയേറ്റ് ഡയറക്ടർ- സാംസൺ സെബാസ്റ്റ്യൻ, പ്രൊഡക്ഷൻ എക്സിക്യൂട്ടീവ്സ്- കല്ലാർ അനിൽ, ജോബി ജോൺ; പ്രൊഡക്ഷൻ കൺട്രോളർ- ജിതേഷ് അഞ്ചുമന.

ആഗസ്റ്റ് 23ന് ചിത്രം പ്രദർശനത്തിനെത്തുന്നു. പി.ആർ.ഒ.- വാഴൂർ ജോസ്.