Saniya Iyyappan | തിരുമ്പി വന്തിട്ടേന്ന് സൊല്ല്; ഗ്ലാമറസ് ലുക്കിൽ സാനിയ അയ്യപ്പൻറെ പുതിയ വീഡിയോ

സദാചാര കമ്മറ്റിക്കാരും, ഓൺലൈൻ ആങ്ങളമാരും ചേർന്ന് തന്റെ പോസ്റ്റുകൾക്ക് മേൽ വട്ടംകൂടിയാൽ അവർക്ക് കുറിക്കു കൊള്ളുന്ന മറുപടി കൊടുക്കുന്ന നടിയാണ് സാനിയ അയ്യപ്പൻ (Saniya Iyyappan). സിനിമയും അഭിനയവും മാത്രമല്ല, നന്നായി നൃത്തം ചെയ്യാനും സാനിയക്ക് അറിയാം. കന്നി ചിത്രമായ ക്വീനിൽ അവതരിപ്പിച്ച ചിന്നു എന്ന കഥാപാത്രത്തെക്കാളും, പൃഥ്വിരാജ് സുകുമാരൻ ആദ്യമായി സംവിധാനം ചെയ്ത ലൂസിഫർ എന്ന സിനിമയിലെ ജാൻവി എന്ന റോളാണ് സാനിയയെ ശ്രദ്ധേയയാക്കിയത്. മഞ്ജു വാര്യരുടെ മകളുടെ വേഷമായിരുന്നു സാനിയ കൈകാര്യം ചെയ്തത്. സിനിമയുടെ തുടക്കം മുതൽ അവസാനം വരെ പ്രസക്തമായ ഒരു കഥാപാത്രമായിരുന്നു ഇത്.