Sanusha | 'എന്‍റെ തടിയെക്കുറിച്ച് ഓർത്ത് ആരും വിഷമിക്കേണ്ട'; ബോഡി ഷെയ്മിങിൽ മറുപടിയുമായി നടി സനുഷ

ബാലതാരമായി സിനിമയിലെത്തി, തമിഴിൽ ഉൾപ്പടെ ശ്രദ്ധേയമായ ഒരുപിടി കഥാപാത്രങ്ങളെ അവതരിപ്പിച്ച നടിയാണ് സനുഷ. ഏറെ കാലമായി മലയാള സിനിമയിൽ നിന്ന് വിട്ടുനിന്ന സനുഷ തിരിച്ചുവരവിന് ഒരുങ്ങുകയാണ്. ഒരു മാസം മുമ്പ് ടിവി ഷോയിൽ പുതിയ ചിത്രത്തെക്കുറിച്ചും കശ്മീരിലെ ഷൂട്ടിങ്ങിനെ കുറിച്ചും സനുഷ വെളിപ്പെടുത്തിയിരുന്നു. ഇപ്പോൾ ബോഡി ഷെയ്മിംഗിനെതിരെ രംഗത്ത് വന്നിരിക്കുകയാണ് സനുഷ. തന്നെക്കാളധികം തന്റെ ശരീരത്തെക്കുറിച്ച്‌ ആശങ്കപ്പെടുന്നവരോടായി ബോഡി ഷെയിമിങ് നടത്തുമ്പോള്‍ ഓര്‍ത്തിരിക്കേണ്ട കാര്യം പറഞ്ഞാണ് താരത്തിന്റെ ഫേസ്ബുക്ക് കുറിപ്പ്. രണ്ട് വിരലുകള്‍ ഒരാള്‍ക്ക് നേരെ ചൂണ്ടുമ്പോള്‍ മൂന്ന് വിരലുകള്‍ നിങ്ങള്‍ക്ക് നേരെയാണ് എന്ന് ആലോചിക്കാനാണ് സനൂഷ പറയുന്നത് .