Amaram | ഭരതനും ലോഹിതദാസും ഇല്ലാതെ അമരം റീ-റിലീസ്; പക്ഷെ അവരുടെ മക്കൾ വരും, ഗംഭീര പ്രിവ്യു ഒരുങ്ങുന്നു
- Published by:meera_57
- news18-malayalam
Last Updated:
കൊച്ചിയിൽ നടക്കുന്ന ആദ്യ ഷോയിൽ സംവിധായകൻ ഭരതന്റെ മകനും നടനും സംവിധായകനുമായ സിദ്ധാർഥ് ഭരതനും, തിരക്കഥാകൃത്ത് ലോഹിതദാസിന്റെ മക്കൾ എന്നിവരും
സിനിമാ പ്രേമികളുടെ മനസ്സിന്റെ അമരത്തിരിക്കുന്ന 'അമരം' 35 വർഷങ്ങൾക്ക് ശേഷം പ്രേക്ഷകർക്ക് മുന്നിലേക്ക് വീണ്ടും 4K ദൃശ്യ മികവോടെ നവംബർ 7ന് എത്തുന്നു. എ.കെ. ലോഹിതദാസിന്റെ രചനയിൽ ഭരതന്റെ സംവിധാന മികവിൽ തിയേറ്ററിലെത്തിയ സിനിമയ്ക്ക് അവരുടെ മക്കൾ സാന്നിധ്യം കൂടിയുണ്ടാവും. കൊച്ചിയിൽ നടക്കുന്ന ആദ്യ ഷോയിൽ സംവിധായകൻ ഭരതന്റെ മകനും നടനും സംവിധായകനുമായ സിദ്ധാർഥ് ഭരതനും, തിരക്കഥാകൃത്ത് ലോഹിതദാസിന്റെ മക്കൾ, ചിത്രത്തിന്റെ പ്രൊഡ്യൂസർ ബാബു തിരുവല്ല, മമ്മൂക്ക ഫാൻസ് തുടങ്ങിയവരും റിലീസ് ഷോ കാണാൻ തിയേറ്ററിൽ എത്തും. രാവിലെ 9.45നാണ് ഷോ തുടങ്ങുന്നത്.
മമ്മൂട്ടിയും (Mammootty) മുരളിയും അശോകനും, മാതുവും മത്സരിച്ചഭിനയിച്ച ചിത്രമാണ് 'അമരം'. മമ്മൂട്ടിയെന്ന നടന വിസ്മയത്തിന്റെ ഏറ്റവും ശ്രദ്ധേയമായ പത്തുകഥാപാത്രങ്ങളില്‍ ഒന്നാണ് അമരത്തിലെ അച്ചൂട്ടി. 34 വര്‍ഷങ്ങള്‍ക്കു ശേഷം അച്ചൂട്ടിയും അച്ചൂട്ടിയുടെ മുത്തും വീണ്ടും 4K മികവില്‍ മികച്ച ദൃശ്യ വിരുന്നോടെ തിയേറ്ററുകളിൽ എത്തും.
മമ്മൂട്ടിയെന്ന നടന്റെ അഭിനയ ജീവിതത്തിലെ നാഴികകല്ലായിരുന്നു 'അമരം'. മലയാളത്തിലെ ക്ലാസിക്ക് ചിത്രങ്ങളുടെ പട്ടികയില്‍ ഇടം നേടിയ ചിത്രം. ചെമ്മീനിനു ശേഷം കടലിന്റെ പശ്ചാലത്തിൽ കഥ പറഞ്ഞൊരു മനോഹര ചിത്രമാണ് 'അമരം'. ലോഹിതദാസിന്റെ തിരക്കഥയില്‍ മലയാളത്തിന്റെ മാസ്റ്റര്‍ ക്രാഫ്റ്റ്‌സ്മാനായിരുന്ന ഭരതന്‍ ഒരുക്കിയ ചിത്രമാണ് അമരം. വിഖ്യാത ഛായാഗ്രാഹകന്‍ മധു അമ്പാട്ടിന്റെ ക്യാമറക്കണ്ണിലൂടെ മലയാളികള്‍ കണ്ട ദൃശ്യകാവ്യം.
advertisement
കടലും തിരകളും തീരവും അവിടുത്തെ മനുഷ്യരും മറക്കാനാവാത്ത കാഴ്ചകളും കഥയുമായി നമുക്ക് മുന്നിൽ നിറയുകയായിരുന്നു കാലാതിവർത്തിയായ ഈ ഭരതൻ ചിത്രത്തിലൂടെ. ബാബു തിരുവല്ലയാണ് മലയാളികൾക്ക് എക്കാലവും ഓർമ്മിക്കാവുന്ന ഈ ക്ലാസിക്ക് ചിത്രത്തിൻ്റെ നിർമ്മാതാവ്. ചലച്ചിത്ര കലാസംവിധായകൻ എന്ന നിലയിൽ മലയാളികളുടെ അഭിമാനമായ സാബു സിറിൾ എന്ന പ്രതിഭാശാലിയായ ആർട്ട് ഡയറക്ടറുടെ കരവിരുതും കൈയ്യൊപ്പും നമുക്ക് കണ്ടറിയാനാകും 'അമരം' എന്ന ചിത്രത്തിലെ ദൃശ്യങ്ങളിലുടനീളം.
Summary: 'Amaram' will be released in 4K quality on November 7 after 35 years. Written by A.K. Lohithadas and directed by Bharathan, the film will also have the presence of their children. In the first show to be held in Kochi, director Bharathan's son, actor and director Siddharth Bharathan, screenwriter Lohithadas' children, the film's producer Babu Thiruvalla, Mammootty fans and others will also come to the theater to watch the release show.
സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
November 06, 2025 3:43 PM IST
മലയാളം വാർത്തകൾ/ വാർത്ത/Film/
Amaram | ഭരതനും ലോഹിതദാസും ഇല്ലാതെ അമരം റീ-റിലീസ്; പക്ഷെ അവരുടെ മക്കൾ വരും, ഗംഭീര പ്രിവ്യു ഒരുങ്ങുന്നു
