സിനിമകളിലൂടെ ഭൂപ്രകൃതിയെ അറിയാം; 'ടൂറിസം- ഫിലിം സർക്കീറ്റി'ന് രൂപം നൽകാനൊരുങ്ങി സർക്കാർ

സിനിമകളിലൂടെ കേരളത്തിന്റെ ഭൂപ്രകൃതിയെ മനസിലാക്കുക ലക്ഷ്യമാക്കി സർക്കാർ തലത്തിൽ 'ടൂറിസം- ഫിലിം സർക്കീറ്റി'നു രൂപം നൽകുന്നു. സംസ്ഥാനത്തെ പ്രകൃതി മനോഹരമായ പ്രദേശങ്ങളിൽ ഷൂട്ട് ചെയ്ത ചിത്രങ്ങളുടെ ലൊക്കേഷനുകളിലേക്ക് സംഘടിപ്പിക്കുന്ന തീം ടൂറുകളും ഇതിന്റെ ഭാഗമാണ്. സംസ്കാരം, പ്രകൃതി ദൃശ്യങ്ങൾ, സാമൂഹികഘടന എന്നിവ പ്രതിഫലിപ്പിക്കുന്ന ചിത്രങ്ങൾക്കു സാമ്പത്തിക ഇളവുകൾ നൽകി നിർമാണം പ്രോത്സാഹിപ്പിക്കും. സിനിമകളിൽ കണ്ടിഷ്‌ടപ്പെട്ട കേരളീയ പാചകം ഉൾപ്പെടുന്ന പാക്കേജ് യാത്രകൾക്ക് ടൂർ ഓപ്പറേറ്റർമാർ ഉണ്ടാകും. ഹോംസ്റ്റേ സൗകര്യങ്ങളുടെ സഹകരണവും ഉറപ്പാക്കും.