നടൻ പുന്നപ്ര അപ്പച്ചൻ അന്തരിച്ചു

ആയിരത്തിൽ അധികം സിനിമകളിൽ അഭിനയിച്ചിട്ടുണ്ട്. അപ്പച്ചൻ ആദ്യമായി അഭിനയിക്കുന്നത് 1965 ൽ ഉദയ സ്റ്റുഡിയോ നിർമിച്ച് സത്യൻ നായകനായ 'ഒതേനന്റെ മകൻ' എന്ന ചിത്രത്തിലൂടെയാണ്. മഞ്ഞിലാസിന്റെ 'അനുഭവങ്ങൾ പാളിച്ചകൾ' എന്ന സിനിമയിലാണ് അപ്പച്ചന് ശ്രദ്ധിയ്ക്കപ്പെടുന്ന ഒരു വേഷം കിട്ടുന്നത്. ഒരു തൊഴിലാളി നേതാവായിട്ടായിരുന്നു സിനിമയിൽ അദ്ദേഹം അഭിനയിച്ചത്.

വില്ലൻ വേഷങ്ങളിലും ക്യാരക്ടർ വേഷങ്ങളിലുമാണ് പുന്നപ്ര അപ്പച്ചൻ തിളങ്ങിയത്. പ്രശസ്ത സംവിധായകൻ അടൂർ ഗോപാലകൃഷ്ണന്റെ അനന്തരം എന്ന സിനിമയിൽ അഭിനയിച്ചു. പിന്നീട് അടൂരിന്റെ എല്ലാ സിനിമകളിലും അപ്പച്ചന് ഒരു വേഷം ഉണ്ടായിരുന്നു. പ്രശസ്ത സംവിധായകൻ പത്മരാജന്റെ 'ഞാൻ ഗന്ധർവൻ' എന്ന സിനിമയിലും അഭിനയിച്ചിരുന്നു.

Summary: Veteran actor Punnapra Appachan has passed away at the age of 77. He had been undergoing treatment after sustaining injuries from a fall. The end came due to internal bleeding in the brain. His health condition deteriorated while receiving treatment at the Ernakulam Medical Trust Hospital, following which he was moved to the Vandanam Medical College Hospital in Alappuzha. Punnapra Appachan had a prolific career spanning several decades, appearing in over a thousand films.