പ്രഭാസിന്റെ 'ആദിപുരുഷ്' മോശം എന്ന് പറഞ്ഞയാളെ വളഞ്ഞിട്ട് തല്ലി ആരാധകർ

ഏറ്റവും വലിയ ബഡ്ജറ്റിൽ ഒരുക്കിയ ഇന്ത്യൻ സിനിമ എന്ന പേരിൽ പ്രഭാസ് നായകനായ ആദിപുരുഷ് (Adipurush) തിയേറ്ററുകളിലെത്തി. ഏറെ ആകാംഷയോടെയാണ് ആരാധകർ ചിത്രത്തിൻരെ റിലീസിനായി കാത്തുനിന്നത്. ചിത്രം പുറത്തിറങ്ങിയതോടെ നല്ലതും മോശവുമായ അഭിപ്രായങ്ങളാണ് പല കോണുകളിൽ നിന്നും എത്തുന്നത്. എന്നാൽ ചിത്രം കണ്ട് മോശം അഭിപ്രായം പറഞ്ഞ യുവാവിനു നേരിടേണ്ടി വന്നത് മോശം അനുഭവമായിരുന്നു. ‘ആദിപുരുഷ്’ എന്ന ചിത്രത്തെ കുറിച്ച് മോശം അഭിപ്രായം പങ്കുവെച്ച ഈ യുവാവിനു പ്രഭാസിന്റെ ആരാധകരില്‍ നിന്ന് മര്‍ദ്ദനമേറ്റുവെന്നും വാര്‍ത്തകള്‍ വരുന്നു. ഹൈദരാബാദിലെ പ്രസാദ് ഐമാക്‍സ് തിയറ്ററിലാണ് സംഭവം എന്നാണ് റിപ്പോര്‍ട്ട്.