വീണ്ടും പ്രായക്കൂടുതലുള്ള കഥാപാത്രമാവാൻ വിജയരാഘവൻ; ഔസേപ്പിൻ്റെ ഒസ്യത്ത് ആരംഭിച്ചു

കോടമഞ്ഞിന്റെയും മഴയുടെയും അകമ്പടിയോടെ ഒരു പുതിയ മലയാള സിനിമയുടെ ചിത്രീകരണം പീരുമേട്ടിൽ ആരംഭിച്ചു. ഒരിക്കൽക്കൂടി തന്നെക്കാൾ പ്രായക്കൂടുതലുള്ള കഥാപാത്രമായി വിജയരാഘവൻ സ്‌ക്രീനിൽ എത്തുന്ന സിനിമയാണിത്. 'ഔസേപ്പിൻ്റെ ഒസ്യത്ത്' (Ouseppinte Osyathu) എന്ന് പേരിട്ട ചിത്രം നവാഗതനായ ശരത്ചന്ദ്രൻ സംവിധാനം ചെയ്യുന്നു. മെഗൂർ ഫിലിംസിൻ്റെ ബാനറിൽ എഡ്വേർഡ് ആൻ്റണിയാണ് നിർമാണം. തിരുവനന്തപുരം വട്ടിയൂർക്കാവ് സ്വദേശിയായ ശരത്ചന്ദ്രൻ ഏറെക്കാലമായി ബാംഗ്ളൂരിൽ ആഡ് ഫിലിമുമായി ബന്ധപ്പെട്ട് പ്രവർത്തിച്ചു പോരുകയാണ്.