'അച്ഛൻ‌ സൂപ്പർമാ‍ൻ; രക്ഷയ്ക്കെത്തുമെന്ന് അഞ്ചുവയസ്സുകാരൻ'; പത്തുദിവസമായിട്ടും ആരും എത്തിയില്ല

ദുബായ്: ദുബായിലെ ഷോപ്പിംഗ് മാളിൽ അലഞ്ഞുതിരിഞ്ഞു നടക്കുന്ന അഞ്ചുവയസ്സുകാരനെ തേടി പത്തുദിവസം കഴിഞ്ഞിട്ടും ആരും എത്താതെ വന്നതോടെ ദുബായ് പൊലീസ് പൊതുസമൂഹത്തിന്റെ സഹായം തേടി. കണ്ടാൽ ഇന്ത്യൻ വംശജനെന്ന് തോന്നിക്കുന്ന കുഞ്ഞ് ഇംഗ്ലീഷ് മാത്രമാണ് സംസാരിക്കുന്നത്. മാതാപിതാക്കളെക്കുറിച്ച് ചോദിച്ചപ്പോൾ അച്ഛൻ സൂപ്പർമാൻ ആണെന്നായിരുന്നു കുഞ്ഞിന്റെ മറുപടി. അതിനപ്പുറത്തേക്ക് മാതാപിതാക്കളെക്കുറിച്ച് അവന് യാതൊരു അറിവുമില്ല.