ദുബായിലെ കഫേയിൽ അശ്ലീല നൃത്തം ചെയ്ത യുവാവ് അറസ്റ്റിൽ

ദുബായ്: പ്രാദേശിക കഫേയിൽ മാന്യമല്ലാത്ത രീതിയിൽ നൃത്തം ചെയ്ത യുവാവ് അറസ്റ്റിലായി. നൃത്തം ചെയ്യുന്ന വീഡിയോ സോഷ്യൽ മീഡിയയിൽ വൈറലായതോടെയാണ് ദുബായ് പൊലീസ് ഇയാളെ അറസ്റ്റുചെയ്തത്. യുവാവിനെ അറസ്റ്റുചെയ്ത വിവരം പൊലീസ് തന്നെയാണ് ട്വിറ്ററിലൂടെ അറിയിച്ചത്. വീഡിയോ റെക്കോർഡുചെയ്ത് സോഷ്യൽ മീഡിയ പ്ലാറ്റ്‌ഫോമുകളിൽ പോസ്റ്റ് ചെയ്ത മറ്റൊരാളെയും പോലീസ് അറസ്റ്റ് ചെയ്തിട്ടുണ്ട്. പൊതു ധാർമ്മികത ലംഘിക്കുന്ന ഓൺലൈൻ ഉള്ളടക്കം പോസ്റ്റുചെയ്തെന്നാരോപിച്ചാണ് ഇയാളെ കസ്റ്റഡിയിലെടുത്തത്. അശ്ലീല നൃത്തം നടന്ന കഫേ, പിഴ ചുമത്തി പൊലീസ് അടപ്പിച്ചു.