റമദാൻ 2024: യുഎഇയിലെ ഉം അൽ ഖുവൈനിൽ സർക്കാർ ജീവനക്കാർക്ക് ആഴ്ചയിൽ മൂന്ന് ദിവസം അവധി

മൂന്ന് ദിവസങ്ങൾ അവധി നൽകിയതിനൊപ്പം മറ്റ് ദിവസങ്ങളിലെ സർക്കാർ ഓഫീസുകളുടെ പ്രവർത്തന സമയവും പുനഃക്രമീകരിച്ചിട്ടുമുണ്ട്. പുതിയ നിർദ്ദേശങ്ങൾ അനുസരിച്ച് തിങ്കൾ മുതൽ വ്യാഴം വരെ രാവിലെ 9 മുതൽ ഉച്ചക്ക് 2.30 വരെയാണ് സർക്കാർ ഓഫീസുകളുടെ പ്രവർത്തന സമയം. റമദാനോടനുബന്ധിച്ച് യുഎഇയിലെ മറ്റ് എമിറേറ്റുകളും വെള്ളിയാഴ്ച വീടുകളിൽ ഇരുന്ന് ജോലി ചെയ്യാനുള്ള അവസരം പ്രഖ്യാപിക്കുകയും പ്രവർത്തന സമയം ചുരുക്കുകയും ചെയ്തിട്ടുണ്ട്. മാർച്ച് 12 ഓടെ യുഎഇയിൽ റമദാൻ ആരംഭിക്കുമെന്നാണ് കരുതുന്നത്, ഔദ്യോഗിക സ്ഥിരീകരണം ഉടൻ ഉണ്ടായേക്കും.