കുവൈത്ത് -സൗദി റെയില്‍വേ പദ്ധതി; നിർമ്മാണ പ്രവര്‍ത്തനങ്ങള്‍ 2026 ഓടെ ആരംഭിക്കും

ദുബായ്:  കുവൈത്ത്-സൗദി അതിവേഗ റെയില്‍വേ പദ്ധതിയുടെ നിർമ്മാണ പ്രവര്‍ത്തനങ്ങള്‍ 2026 -ഓടെ ആരംഭിക്കുമെന്ന് റിപ്പോർട്ട്‌. പദ്ധതി നാല് വർഷത്തിനുള്ളിൽ പൂർത്തീകരിക്കാനാണ് ലക്ഷ്യമിടുന്നത്. പദ്ധതിയുടെ സാധ്യത സംബന്ധിച്ച വിശദമായ പഠനത്തിന് ശേഷം യാത്ര ചെയ്യാനും ചരക്കു കടത്താനും കഴിയുന്ന റെയിൽവേ സംവിധാനത്തിന് അടുത്തിടെയാണ് ഇരുരാജ്യങ്ങളുടെയും സംയുക്ത സമിതി അംഗീകാരം നൽകിയത്. ഇക്കാര്യം കുവൈത്ത് സർക്കാർ വൃത്തങ്ങളെ ഉദ്ധരിച്ച് അറബിക് ദിനപത്രമായ ഖബാസ് റിപ്പോർട്ട്‌ ചെയ്തു.