കീരിയും പാമ്പും പോലെയായിരുന്ന നേതാക്കൾ ഒന്നിച്ച്; വൈറലായി ഒരു ഗ്രൂപ്പ് ഫോട്ടോ

ദുബായ്: പാലാ ഉപതെരഞ്ഞെടുപ്പിന് മുൻപും പിൻപും കീരിയും പാമ്പും പോലെയായിരുന്ന നേതാക്കൾ ചിരിച്ചു നിൽക്കുന്ന ഗ്രൂപ്പ് ഫോട്ടോ സമൂഹമാധ്യമങ്ങളിൽ വൈറൽ. മറ്റാരുമല്ല, ഒരേ പാർട്ടിയിലാണെങ്കിലും പാലായിൽ കഴിഞ്ഞ ദിവസം വരെ നേർക്കുനേർ നിന്ന് വാക്പയറ്റു നടത്തിയ പി.ജെ ജോസഫും ജോസ് കെ. മാണിയുമാണ് ചിത്രത്തിലുള്ളത്. കേരള കോൺഗ്രസ് എമ്മിന്റെ ബദ്ധശത്രുവായി അറിയപ്പെടുന്ന ജനാധിപത്യ കേരള കോൺഗ്രസ് നേതാവ് ഫ്രാൻസിസ് ജോർജും ചിത്രത്തിലുണ്ട്. ഇതൊന്നും പോരാത്തതിന് എം.പിമാരായ ഡീൻ കുര്യാക്കോസും, തോമസ് ചാഴിക്കാടനും വൈറലായ ഈ ഗ്രൂപ്പ് ഫോട്ടോയിൽ ഇടം നേടി.