ലോകത്തിലെ ഏറ്റവും ഉയരമേറിയ ഫെറീസ് വീലിന്റെ പ്രവർത്തനം ദുബായിൽ നിലച്ചു; കാരണം വ്യക്തമാക്കാതെ അധികൃതർ

ദുബായ് ബ്ളൂ വാട്ടേഴ്സ് ദ്വീപിലാണ് അന്താരാഷ്‌ട്ര കമ്പനികളുടെ സഹകരണത്തോടെ നിർമിച്ച ഐൻ ദുബായ് സ്ഥിതി ചെയ്യുന്നത്. റീട്ടെയിൽ, റെസിഡൻഷ്യൽ, എന്റർടെയ്ൻമെന്റ് ഹബ്ബായി രൂപകൽപ്പന ചെയ്ത ഒരു മനുഷ്യനിർമിത ദ്വീപാണ് ബ്ളൂ വാട്ടേഴ്സ്. ഒരു വർഷത്തിലേറെയായി, ഐൻ ദുബായിലേക്കുള്ള പ്രധാന കവാടം അടഞ്ഞുകിടക്കുകയും ടിക്കറ്റ് ബൂത്തുകൾ പ്രവർത്തനം നിർത്തി വെയ്ക്കുകയും ചെയ്തിരിക്കുകയാണ്. പുറത്തു നിന്ന് ചിത്രമെടുക്കാനായി ചെറിയൊരു വിഭാ​ഗം വിനോദ സഞ്ചാരികൾ മാത്രമാണ് ഇപ്പോൾ ഇവിടെയെത്തുന്നത്.

“ഞാൻ ഈ ഫെറിസ് വീലിനെക്കുറിച്ച് ഇവിടെയുള്ള ഒരു സെക്യൂരിറ്റി ഗാർഡിനോട് ചോദിച്ചു, അത് ഇപ്പോൾ പ്രവർത്തിക്കുന്നില്ല എന്നാണ് അദ്ദേഹം എന്നോട് പറഞ്ഞത്. എന്താണ് കാരണമെന്ന് ഞാൻ അദ്ദേഹത്തോട് തുടർന്നു ചോദിച്ചു, പക്ഷേ അതിനുള്ള ഉത്തരം അദ്ദേഹം എനിക്ക് നൽകിയില്ല”, ഈജിപ്ഷ്യൻ വിനോദസഞ്ചാരിയായ മർവാൻ മുഹമ്മദ് പറഞ്ഞു.