India- China Faceoff | 'പോരാടാൻ വേണ്ടി ജനിച്ചവർ'; സംഘർഷത്തിലുൾപ്പെട്ട ബീഹാർ റെജിമെന്‍റ് അംഗങ്ങൾക്ക് ആദരമര്‍പ്പിച്ച് സേന

ന്യൂഡൽഹി: ഇന്ത്യ-ചൈന അതിർത്തി മേഖലയിൽ ലഡാക്കിലെ ഗാൽവൻ താഴ്വരയിലെ സംഘർഷത്തിൽ പങ്കെടുത്ത ബീഹാർ റെജിമെന്‍റ് സേനാംഗങ്ങൾക്ക് ആദരം അർപ്പിച്ച് ഇന്ത്യൻ ആർമി. സംഘർഷാവസ്ഥയിലിരുന്ന ഗാൽവാൻ മേഖലയിൽ ഇക്കഴിഞ്ഞ തിങ്കളാഴ്ച രാത്രിയോടെ ഇരുരാജ്യങ്ങളിലെയും സൈനികർ മുഖാമുഖം എത്തിയിരുന്നു. തുടർന്നുണ്ടായ പോരാട്ടത്തിൽ ബീഹാർ റെജിമെന്‍റിലെ ഇരുപത് സൈനികരാണ് വീരമൃത്യു വരിച്ചത്. ഇവരുടെ അവിസ്മരണീയ പോരാട്ട ചരിത്രങ്ങൾ കോർത്തിണക്കിയ വീഡിയോ പുറത്ത് വിട്ടാണ് ഇന്ത്യൻ ആർമി ഇപ്പോൾ ആദരം അർപ്പിച്ചിരിക്കുന്നത്..