'ഗ്രാമം വിട്ട് മക്കൾക്കൊപ്പം പോകാന്‍ താല്‍പ്പര്യമില്ല'; തൊണ്ണൂറുകാരന്‍ സ്വന്തം ചിതയൊരുക്കി തീകൊളുത്തി മരിച്ചു

തെലങ്കാന: ഗ്രാമം വിട്ട് മക്കൾക്കൊപ്പം പോകാന്‍ താല്‍പ്പര്യമില്ലാത്തതിനെത്തുടര്‍ന്ന് സ്വന്തം ചിതയൊരുക്കി തൊണ്ണൂറുകാരന്‍ തീകൊളുത്തി ജീവനൊടുക്കി. തെലങ്കാനയിലെ സിദ്ദിപ്പേട്ട് ജില്ലയിലെ പോട്ട്‌ലാപള്ളി ഗ്രാമവാസിയായ മേദബോയിന വെങ്കടയ്യ എന്നയാളാണ് തീ കൊളുത്തി മരിച്ചത്. ഇദ്ദേഹത്തിന് നാല് ആണ്‍ മക്കളും ഒരു മകളുമാണുള്ളത്. അദ്ദേഹത്തിന്റെ നാല് മക്കളില്‍ രണ്ട് ആണ്‍മക്കള്‍ പോട്ട്‌ലാപള്ളി ഗ്രാമത്തിലും ഒരു മകന്‍ ഹുസ്നാബാദിലും നാലാമന്‍ കരിംനഗര്‍ ജില്ലയിലെ ചിഗുരുമാമിഡി മണ്ഡലത്തിലെ നവാബ്പേട്ട് ഗ്രാമത്തിലുമാണ് താമസിക്കുന്നത്. വര്‍ഷങ്ങള്‍ക്ക് മുമ്പാണ് വെങ്കിടയ്യയുടെ ഭാര്യ മരിച്ചത്.