സ്ഫോടക വസ്തു കടത്തുന്നതിനിടെ പരിഭ്രാന്തിയിൽ പൊട്ടിത്തെറിച്ചതാകാമെന്ന് രഹസ്യാന്വേഷണ വൃത്തങ്ങൾ

ന്യൂഡൽഹി: ഡൽഹിയിലെ ചെങ്കോട്ടയ്ക്ക് സമീപമുണ്ടായ സ്ഫോടനം പ്രതികൾ സ്ഫോടകവസ്തുക്കൾ കൊണ്ടുപോകുന്നതിനിടെ പരിഭ്രാന്തരായി അബദ്ധത്തിൽ സംഭവിച്ചതാകാമെന്ന് ‌ഉന്നത ഇന്റലിജൻസ് വൃത്തങ്ങൾ. തിങ്കളാഴ്ച പകൽ സമയത്ത് രാജ്യത്തുടനീളം ഭീകരവാദികളെ ലക്ഷ്യമിട്ട് നടന്ന റെയ്ഡുകളും, ഹരിയാനയിലെ ഫരീദാബാദിൽ നിന്ന് 2900 കിലോഗ്രാം ബോംബ് നിർമാണ രാസവസ്തുക്കൾ പിടിച്ചെടുത്തതും പ്രതികളിൽ പരിഭ്രാന്തി സൃഷ്ടിക്കുകയും അവരെ സ്ഫോടകവസ്തുക്കൾ മാറ്റാൻ നിർബന്ധിതരാക്കുകയും ചെയ്തിരിക്കാം എന്ന് ഉന്നതവൃത്തങ്ങളെ ഉദ്ധരിച്ച് എൻഡിടിവി റിപ്പോർട്ട് ചെയ്തു.