ആന്ധ്രാപ്രദേശ് നിയമസഭാ തെരഞ്ഞെടുപ്പ് 2019: സത്യപ്രതിജ്ഞയ്ക്ക് തയ്യാറെടുത്ത് ജഗൻമോഹൻ റെഡ്ഡി

Also Read-ചന്ദ്രബാബു നായിഡുവിനെ നിഷ്പ്രഭനാക്കിയ വന്‍വിജയം: ചാരത്തിൽ നിന്നുയർന്ന ജഗമോഹൻ റെഡ്ഡി

വിജയത്തിന്റെ പശ്ചാത്തലത്തിൽ പാർട്ടി 25ന് യോഗം ചേരുന്നുണ്ട്. ജഗൻമോഹൻ റെഡ്ഡിയെ പാർട്ടി നേതാവായി ഔദ്യോഗിക പ്രഖ്യാപനം നടത്തുന്നതിനായാണ് യോഗം. മെയ് 30ന് തിരുപ്പതിയിൽ വച്ച് നടക്കുന്ന ചടങ്ങിൽ ജഗൻമോഹൻ റെഡ്ഡി സത്യപ്രതിജ്ഞ ചെയ്ത് അധികാരത്തിലേറുമെന്നും റിപ്പോർട്ടുകളുണ്ട്. ആന്ധ്രായിലെ പോരാട്ടം ജഗന്റെ വൈഎസ്ആർ കോൺഗ്രസും ചന്ദ്രബാബു നായിഡുവിന്റെ തെലുഗു ദേശം പാർട്ടിയും തമ്മിലായിരുന്നു. 2014ൽ നായിഡുവിൽ നിന്നേറ്റ തോൽവിക്ക് പകരം വീട്ടാൻ സകല തന്ത്രങ്ങളും പയറ്റിയ ജഗമോഹൻ റെഡ്ഡിക്ക് മുന്നിൽ നായിഡു പ്രഭാവം നിഷ്പ്രഭമായെന്നാണ് തെരഞ്ഞെടുപ്പ് ഫലങ്ങൾ സൂചിപ്പിക്കുന്നത്.