എല്ലാ മദ്യവും 99 രൂപ മുതൽ; പുതിയ മദ്യനയവുമായി ആന്ധ്രപ്രദേശ് സർക്കാർ

വരുമാനം കുറഞ്ഞവർക്കും താങ്ങാവുന്ന വിലയിലുള്ള മദ്യങ്ങൾ ആണ് അവതരിപ്പിക്കുന്നത്. പുതിയ മദ്യനയത്തിന് രണ്ട് വർഷത്തെ കാലാവധി ഉണ്ടാകുമെന്നും റിപ്പോർട്ട്. കൂടാതെ മദ്യശാലകൾ ഇനി മൂന്നു മണിക്കൂർ കൂടുതൽ സമയം പ്രവർത്തിക്കും. സ്വകാര്യ വ്യക്തികൾക്ക് മദ്യം വിൽക്കുന്നതിനുള്ള ലൈസൻസ് നൽകുന്നതിനുള്ള മാർഗനിർദേശങ്ങളും സർക്കാർ വിജ്ഞാപനം ചെയ്തിട്ടുണ്ട്. 2024 ഒക്ടോബർ 12 മുതൽ 2026 സെപ്റ്റംബർ 30 വരെ ലൈസൻസുകൾക്ക് സാധുത ഉണ്ടായിരിക്കും. അനധികൃത മദ്യത്തിൻ്റെ ഉപഭോഗം തടയുക എന്നതും പുതിയ മദ്യനയം ലക്ഷ്യമിടുന്നു.