സ്വതന്ത്ര്യസമരം നാടകമായിരുന്നെന്ന് ബിജെപി നേതാവ്; അതൊരു ഒത്തു കളിയായിരുന്നെന്നും പരാമർശം

ബംഗളൂരു: സ്വാതന്ത്ര്യസമരം നാടകമായിരുന്നുവെന്ന് ബിജെപി നേതാവും മുൻ കേന്ദ്രമന്ത്രിയുമായ അനന്ത കുമാർ ഹെഗ്ഡെ എം.പി. ബംഗളൂരുവിൽ നടന്ന പൊതുപരിപാടിയിലാണ് ഹെഗ്ഡെ സ്വാതന്ത്ര്യസമരത്തെയും രാഷ്ട്രപിതാവിനെയും അധിക്ഷേപിച്ച് രംഗത്തെത്തിയത്. മഹാത്മാഗാന്ധിയുടെ നേതൃത്വത്തിൽ ബ്രിട്ടീഷുകാരുടെ അനുവാദത്തോടെ അരങ്ങേറിയ നാടകമാണ് സ്വാതന്ത്ര്യസമരമെന്ന് ഹെഗ്ഡെ പറഞ്ഞു. കൂടാതെ, മഹാത്മാവെന്ന് ഗാന്ധിജിയെ വിളിക്കുന്നതിനെ ചോദ്യം ചെയ്യുകയും ചെയ്തു.