ഒരു വർഷം കൊണ്ട് പണി പൂർത്തിയാക്കി; ഉദ്ഘാടനത്തിന് മുമ്പേ പാലം പുഴയിൽ ഒലിച്ചു; അഴിമതിയെന്ന് കോൺഗ്രസ്

കിഷൻജംഗ് ജില്ലയിലെ ദിഗൽബാങ്ക് ബ്ലോക്കിലുള്ള പന്ത്രണ്ടോളം ഗ്രാമങ്ങളിലെ ജനങ്ങൾക്ക് ഉപകാരപ്പെടേണ്ടിയിരുന്ന പാലമാണ് തകർന്നു വീണത്. ഗ്രാമവാസികളുടെ വർഷങ്ങളായുള്ള ആവശ്യത്തിന്റെ ഫലമായാണ് കഴിഞ്ഞ വർഷം പാലം പണി ആരംഭിച്ചത്. പ്രളയകാലത്ത് കങ്കയ് പുഴ കരകവിഞ്ഞാൽ ഒറ്റപ്പെട്ടു പോകുന്ന ഗ്രാമങ്ങൾക്ക് പാലം ആശ്വാസമാകുമെന്നായിരുന്നു പ്രതീക്ഷ.

അതേസമയം, പ്രകൃതിക്ഷോഭത്തെ തുടർന്നാണ് പലം തകർന്നതെന്നാണ് പാലത്തിന്റെ ജൂനിയർ എഞ്ചിനീയറുടെ വാദം. പാലം നിർമാണത്തിൽ അഴിമതി നടന്നിട്ടില്ലെന്നും ഏത് അന്വേഷണത്തിനും തയ്യാറാണെന്നും കോൺട്രാക്ടറും വ്യക്തമാക്കി.