News 18 Budget Day Exclusive:CAAപ്രതിഷേധം വിദേശനിക്ഷേപത്തെയോ ഇന്ത്യയുടെ പ്രതിച്ഛായയെയോ ബാധിക്കില്ല; നിർമല സീതാരാമൻ

ന്യൂഡൽഹി: പൗരത്വ നിയമ ഭേദഗതിക്കെതിരായ പ്രതിഷേധം രാജ്യത്തെ വിദേശ നിക്ഷേപത്തെയോ ഇന്ത്യയുടെ പ്രതിച്ഛായയെയോ ബാധിക്കില്ലെന്ന് ധനമന്ത്രി നിർമല സീതാരാമൻ. ബജറ്റ് അവതരണത്തിനു ശേഷം നെറ്റ്വർക്ക് 18 ഗ്രൂപ്പ് എഡിറ്റർ രാഹുൽ ജോഷിക്ക് അനുവദിച്ച അഭിമുഖത്തിലാണ് ധനമന്ത്രി ഇക്കാര്യം പറഞ്ഞത്.

also read:News 18 Budget Day Exclusive: ആദായനികുതി ഘടന ലളിതമാക്കിയെന്ന് കേന്ദ്ര ധനമന്ത്രി

ഇന്ത്യ വലിയ നിക്ഷേപ കേന്ദ്രമായി മാറിയെന്ന് നിർമല സീതാരാമൻ പറഞ്ഞു. ആഗോള രാജ്യങ്ങളില്‍ നിന്ന് നിക്ഷേപം വരുന്നുവെന്നും മന്ത്രി വ്യക്തമാക്കി. പൗരത്വ നിയമ ഭേദഗതിക്കെതിരായ പ്രതിഷേധങ്ങൾ രാജ്യത്ത് തുടരുന്ന സാഹചര്യത്തിൽ കൂടിയാണ് മന്ത്രി ഇക്കാര്യം പറഞ്ഞത്.



ജനങ്ങളുടെ വാങ്ങൽ ശേഷി ഉയർത്തുകയാണ് ബജറ്റിലൂടെ ലക്ഷ്യമിടുന്നതെന്ന് ധനമന്ത്രി. സമ്പദ്‌വ്യവസ്ഥയ്ക്ക് ഉത്തേജനം നൽകാൻ ആവശ്യമായ എല്ലാ നടപടികളും സ്വീകരിക്കുന്നുവെന്നും അവർ പറഞ്ഞു.