ത്രിപുരയിൽ ബിജെപിയെ തൂത്തെറിയാൻ സിപിഎമ്മും കോൺഗ്രസും ദേശീയ പതാകയുമായി മൂന്ന് കിലോമീറ്റർ റാലി

വോട്ടർമാരുടെ അവകാശങ്ങൾ സംരക്ഷിക്കണമെന്ന് ആവശ്യപ്പെട്ട് ത്രിപുരയിലെ കോൺഗ്രസും ഇടതുപക്ഷ പാർട്ടികളും ചേർന്ന് അഗർത്തലയിൽ കൂറ്റൻ റാലി സംഘടിപ്പിച്ചു. മൂന്നു കിലോമീറ്ററോളം നീണ്ട പ്രകടനത്തിൽ ദേശീയപതാകയുമായാണ് പ്രവർത്തകർ അണിനിരന്നത്. ഒരുകാലത്ത് കടുത്ത എതിരാളികളായിരുന്ന കോൺഗ്രസും ഇടതുപക്ഷവും ഭരണകക്ഷിയായ ബി.ജെ.പി-ഐ.പി.എഫ്.ടി കൂട്ടുകെട്ടിനെ നേരിടാനാണ് ഒരുമിച്ച് ശക്തിപ്രകടനം നടത്തിയതെന്നാണ് സൂചന. ഫെബ്രുവരി 16 ലെ നിയമസഭാ തെരഞ്ഞെടുപ്പിനെ കോൺഗ്രസും ഇടതുപാർട്ടികളും സഖ്യത്തിൽ മത്സരിക്കുമോയെന്ന് ഉറ്റുനോക്കുകയാണ് രാഷ്ട്രീയ നിരീക്ഷകർ.