ബിജെപിക്കാർ 'രാവണന്റെ മക്കളെ'ന്ന് കോൺഗ്രസ്: ലോക്സഭയിൽ നാടകീയ രംഗങ്ങൾ

Published by:Asha Sulfiker
news18

Last Updated:Feb 04, 2020 2:50 PM IST

'ബിജെപി അംഗങ്ങളാണ് യഥാർത്ഥ രാമഭക്തർ. ഞങ്ങളാണ് മഹാത്മാ ഗാന്ധിയുടെ യഥാർത്ഥ അനുയായികളെന്ന് ബിജെപി

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ന്യൂഡൽഹി: ഗാന്ധിയെയും സ്വാതന്ത്ര്യസമരത്തെയും കുറിച്ച് ബിജെപി നേതാവ് അനന്ത് ഹെഗ്ഡെ നടത്തിയ വിവാദ പ്രസ്താവനയുടെ പേരിൽ ലോക്സഭയിൽ ഭരണ-പ്രതിപക്ഷപ്പോര്. മഹാത്മ ഗാന്ധിയെ അപമാനിച്ച ബിജെപി ശ്രീരാമഭക്തരെയാണ് അപമാനിച്ചതെന്നും അവരൊക്കെ രാവണന്റെ മക്കളാണെന്നുമായിരുന്നു കോൺഗ്രസ് നേതാവ് അധിർ രഞ്ജൻ ചൗധരി സഭയിൽ പറഞ്ഞത്.

Also Read-സ്വതന്ത്ര്യസമരം നാടകമായിരുന്നെന്ന് ബിജെപി നേതാവ്; അതൊരു ഒത്തു കളിയായിരുന്നെന്നും പരാമർശം

എന്നാൽ ഇതിനെതിരെ ബിജെപി നേതാവും കേന്ദ്രമന്ത്രിയുമായ പ്രഹ്ലാദ് ജോഷി രംഗത്തെത്തി. 'ബിജെപി അംഗങ്ങളാണ് യഥാർത്ഥ രാമഭക്തർ. ഞങ്ങളാണ് മഹാത്മാ ഗാന്ധിയുടെ യഥാർത്ഥ അനുയായികൾ.. കോൺഗ്രസുകാര്‍ സോണിയാ ഗാന്ധിയെയും രാഹുൽ ഗാന്ധിയെയും പോലെയുള്ള 'വ്യാജ ഗാന്ധി'യുടെ അനുയായികളാണെന്നായിരുന്നു ഇദ്ദേഹത്തിന്റെ മറുപടി.

തുടർന്ന് 'മഹാത്മ ഗാന്ധി അനശ്വരനാകട്ടെ' എന്ന മുദ്രാവാക്യം മുഴക്കി പ്രതിപക്ഷം സഭ ബഹിഷ്കരിക്കുകയാണുണ്ടായത്.