കോൺ​ഗ്രസ് നേതാവ് മനു അഭിഷേക് സിം​ഗ്വി വീണ്ടും രാജ്യസഭയിലേക്ക്; ആസ്തി 2,860 കോടിയെന്ന് തിരഞ്ഞെടുപ്പ് സത്യവാങ്മൂലത്തിൽ

2024–25ൽ 374 കോടി രൂപയായിരുന്നു അദ്ദേഹ​ത്തിന്റെ വാർഷിക വരുമാനം. സത്യവാങ്മൂലത്തിൽ വീട്ടുപകരണങ്ങളുടെയും ഓഫീസ് ഉകരണങ്ങളുടെയും വിവരങ്ങളും സിം​ഗ്വി രേഖപ്പെടുത്തിയിട്ടുണ്ട്. സിം​ഗ്വിയുടെ കൈവശമുള്ള പെയിന്റിം​ഗുകൾക്ക് മറ്റ് കലാസൃഷ്ടികൾക്കും 25 കോടിയിലധികം വിലയുണ്ടെന്ന് സത്യവാങ്മൂലത്തിൽ വിശദീകരിച്ചു.

കഴിഞ്ഞ അഞ്ച് വർഷത്തിനിടെ സിം​ഗ്വിയുടെ വരുമാനത്തിൽ ​ഗണ്യമായ വർദ്ധനവാണ് ഉണ്ടായതെന്ന് സത്യവാങ്മൂലം തെളിയിക്കുന്നു. അഞ്ച് വർഷത്തിനുള്ളിൽ 1,516 കോടിയാണ് ആകെ വരുമാനം ഉണ്ടായത്. 2020–21ൽ 158 കോടിയുമായിരുന്നു വരുമാനം. 2021–22 കാലത്ത് 290 കോടിയും 2022–23ൽ 359 കോടിയും 2023–24 ൽ 333 കോടി രൂപയുമായി.

തെലങ്കാനയിൽ നിന്ന് എതിരില്ലാതെയാണ് മനു അഭിഷേക് സിം​ഗ്വി തിരഞ്ഞെടുക്കപ്പെട്ടത്.