COVID 19| വെന്റിലേറ്ററുകൾ നിർമിക്കാൻ റെയിൽവേ; കോച്ചുകൾ ഐസൊലേഷൻ യൂണിറ്റുകളാക്കും

കപൂർത്തലയിലെ റെയിൽ കോച്ച് ഫാക്ടറിക്കാണ് കോച്ചുകൾ ഐസൊലേഷൻ വാർഡുകളാക്കി മാറ്റുന്നതിനുള്ള ചുമതല നൽകിയിരിക്കുന്നത്. ചെന്നൈയിലെ ഇന്റഗ്രൽ കോച്ച് ഫാക്ടറിക്കാണ് വെന്റിലേറ്ററുകൾ നിർമിക്കാനുള്ള ചുമതല. കഴിഞ്ഞ ദിവസം റെയിൽവേ മന്ത്രി പിയൂഷ് ഗോയലും റെയിൽവേ ബോർഡ് ചെയർമാൻ വി കെ യാദവും നടത്തിയ വീഡിയോ കോൺഫറൻസിലാണ് ഇതു സംബന്ധിച്ച നിർദേശമുണ്ടായത്.\

അതേസമയം, വെന്റിലേറ്റർ നിർമാണമാണ് റെയിൽവേക്ക് മുന്നിലുള്ള കനത്ത വെല്ലുവിളി. ചെന്നൈയിലെ ഫാക്ടറിയിൽ ഒരു മാതൃക ഉണ്ടാക്കിയെങ്കിലും പരാജയപ്പെട്ടിരുന്നു. നിലവിലുള്ള മാനദണ്ഡങ്ങൾക്ക് അനുസൃതമായി ആധുനികമായ വെന്റിലേറ്റർ നിർമിക്കുന്നതിനുള്ള പരിശ്രമം തുടരുകയാണെന്ന് മുതിർന്ന ഉദ്യോഗസ്ഥൻ പറഞ്ഞു.

രാജ്യത്ത് ആകെ എത്ര വെന്റിലേറ്ററുകളാണ് ഉള്ളതെന്നത് സംബന്ധിച്ച് വ്യക്തമായ കണക്കുകളില്ല. നാൽപതിനായിരത്തോളം വെന്റിലേറ്ററുകളേ ഉണ്ടാകൂവെന്നാണ് അനൗദ്യോഗിക വിവരം.