ഫോട്ടോയെടുക്കാൻ ശ്രമിച്ച വിദേശ സഞ്ചാരിയെ താജ്മഹലിന് മുന്നിൽ പശു ആക്രമിച്ചു

കാഴ്ചകൾ കണ്ടും ചിത്രം പകർത്തിയും വരുന്നതിനിടെ താജ്മഹലിന്റെ പടിഞ്ഞാറ് വശത്തുള്ള ഗേറ്റിന് സമീപം വച്ചു തെരുവിൽ അലഞ്ഞു നടക്കുകയായിരുന്ന പശുവിന്റെ ആക്രമണത്തിനിരയാകുകയായിരുന്നു. തെരുവിലെ പശുക്കളുടെ ചിത്രം പകർത്തുന്നതിനിടെ അപ്രതീക്ഷിതമായി ആയിരുന്നു ആക്രമണം. പരിക്കേറ്റ നീല്‍ക്സിനെ ഉടൻ തന്നെ ജില്ലാ ആശുപത്രിയിലേക്കും പിന്നീട് എസ്എൻ മെഡിക്കൽ കോളേജിലേക്കും മാറ്റി. കൈ അനക്കരുതെന്നാണ് ഇയാൾക്ക് ഡോക്ടർമാര്‍ നൽകിയിരിക്കുന്ന നിർദേശം.

Also Read-13 വർഷം മുമ്പുള്ള ലൈംഗിക പീഡനം: ബിജെപി നേതാവിനെതിരെ കേസെടുത്ത് പൊലീസ്

താജ്മഹലിന് ചുറ്റും അലയുന്ന പശുക്കൾ സഞ്ചാരികൾക്ക് പലപ്പോഴും അപകട ഭീഷണി ഉയർത്തുന്നുണ്ടെന്നാണ് ഗൈഡുകൾ പറയുന്നത്. യുപിയിലെ തെരുവ് പശുക്കള്‍ ഉയർത്തുന്ന അപകടസാധ്യതയെക്കുറിച്ച് ലോക്സഭയിലും പരാതി ഉന്നയിക്കപ്പെട്ടിട്ടുണ്ട്. ബിജെപിക്കെതിരായ ആയുധമായിട്ടാണ് പ്രതിപക്ഷം ഈ വിഷയം ഉന്നയിച്ചത്.