Eco-friendly Eid | ബക്രീദിന് കളിമണ്ണു കൊണ്ടുള്ള ആടുകളെ ബലി കൊടുക്കണം; അഭ്യർഥനയുമായി സാംസ്കാരിക സംഘടന

ബക്രീദുമായി ബന്ധപ്പെട്ടുള്ള ബലി അനുഷ്ഠാനങ്ങള്‍ക്ക് യഥാർഥ ആടുകൾക്ക് പകരം കളിമണ്ണു കൊണ്ടുള്ള ആടുകളെ ഉപയോഗിക്കണമെന്നാണ് ഇവർ വിശ്വാസികളോട് ആവശ്യപ്പെട്ടിരിക്കുന്നത്. ഈദ് ചടങ്ങുകൾക്കായി ആടുകളെ ബലി നൽകുന്നത് എതിർത്തു കൊണ്ടാണ് ഇവർ ഇത്തരമൊരു ആവശ്യം മുന്നോട്ട് വച്ചത്. ഇതേ ആവശ്യവുമായി ഇവർ കഴിഞ്ഞ ദിവസം റ്റി.റ്റി നഗർ മേഖലയിൽ പ്രതിഷേധവും സംഘടിപ്പിച്ചിരുന്നു. സംഘടന കൺവീനർ ചന്ദ്രശേഖർ തിവാരിയുടെ നേതൃത്വത്തിൽ കളിമണ്ണു കൊണ്ടുള്ള ആടുകളെ പ്രദർശിപ്പിച്ചു കൊണ്ടായിരുന്നു പ്രതിഷേധം.

കളിമണ്ണു കൊണ്ടുള്ള ആടുകൾക്ക് വലിപ്പം അനുസരിച്ച് ആയിരം രൂപ മുതലാണ് വിലയെന്നാണ് ഇവ നിർമ്മിക്കുന്ന തൊഴിലാളികൾ പറയുന്നത്.. ആളുകളുടെ ആവശ്യപ്രകാരം ഏത് വലിപ്പത്തിലും ആടുകളെ നിര്‍മ്മിച്ചു നൽകുമെന്നും ഇവർ അറിയിച്ചിട്ടുണ്ട്. കളിമണ്ണും ഉണങ്ങിയ പുല്ലും ഉപയോഗിച്ചാണ് ആട് നിർമ്മാണം.