റോഡില്‍ സംസാരിച്ചു കൊണ്ടിരിക്കവെ എയര്‍ കണ്ടീഷണര്‍ തലയിലേക്ക് വീണ് പതിനെട്ടുകാരന്‍ മരിച്ചു

കെട്ടിടത്തിന്റെ രണ്ടാം നിലയില്‍ നിന്ന് എയര്‍ കണ്ടീഷണര്‍ (എസി) തലയിലേക്ക് വീണ് പതിനെട്ടുകാരന് ദാരുണാന്ത്യം. സെന്‍ട്രല്‍ ഡല്‍ഹിയിലെ ഒരു കെട്ടിടത്തിന്റെ രണ്ടാം നിലയില്‍ സ്ഥാപിച്ചിരുന്ന എസി യൂണിറ്റാണ് പതിനെട്ടുകാരന്റെ തലയില്‍ വീണത്. ഡോരിവാലന്‍ പ്രദേശത്ത് വെച്ചാണ് അപകടം നടന്നത്. കെട്ടിടത്തിന് താഴെ സ്‌കൂട്ടറിലിരുന്ന് സംസാരിച്ചുകൊണ്ടിരുന്ന ജിതേഷ്(18), പ്രാണ്‍ഷു(17) എന്നിവരുടെ നേരെയാണ് എസി വന്നുപതിച്ചത്.