Exclusive: 'നടൻ വിജയ്‌യു‌ടെ രാഷ്ട്രീയ പ്രവേശനത്തിൽ ബിജെപിക്ക് ഭയമുണ്ടോ?' മറുപടിയുമായി നിർമല സീതാരാമൻ

Published by:Rajesh V
news18-malayalam

Last Updated:Feb 02, 2026 9:49 PM IST

'ഡിഎംകെയാണ് വിജയ്‌യെ കണ്ട് ഭയപ്പെടേണ്ടത്. നിലവിൽ ഡിഎംകെ അനുഭവിക്കുന്ന ഭയം എനിക്ക് മനസ്സിലാക്കാൻ സാധിക്കുന്നുണ്ട്'

കേന്ദ്ര ധനമന്ത്രി നിർമല സീതാരാമൻ കഴിഞ്ഞ ദിവസം പാർലമെന്റിൽ കേന്ദ്ര ബജറ്റ് അവതരിപ്പിക്കുകയും സുപ്രധാന പ്രഖ്യാപനങ്ങൾ നടത്തുകയും ചെയ്തു. തമിഴ്‌നാട് സ്വദേശിയായ നിർമല സീതാരാമൻ തുടർച്ചയായ ഒമ്പതാം തവണയാണ് കേന്ദ്ര ബജറ്റ് അവതരിപ്പിക്കുന്നത്. 2026-27 സാമ്പത്തിക വർഷത്തേക്കുള്ള ബജറ്റിലെ നികുതി പരിഷ്കാരങ്ങൾ സാധാരണക്കാർ മുതൽ വൻകിട വ്യവസായികൾ വരെയുള്ള വിവിധ മേഖലകളിൽപ്പെട്ടവർക്ക് ആനുകൂല്യങ്ങളും ചില പരിമിതികളും നൽകിയിട്ടുണ്ട്.

ഇതും വായിക്കുക: Exclusive: 'എനിക്ക് അദ്ദേഹത്തെ ഗൗരവമായി എടുക്കണമെന്നുണ്ട്, പക്ഷേ...'; രാഹുൽ ഗാന്ധിയുടെ വിമർശനങ്ങളിൽ ധനമന്ത്രി

ബജറ്റ് അവതരണത്തിന് ശേഷം ധനമന്ത്രി നിർമല സീതാരാമൻ ന്യൂസ് 18-ന് നൽകിയ ഈ പ്രത്യേക അഭിമുഖത്തിൽ, വിജയ്‌യു‌ടെ രാഷ്ട്രീയ പ്രവേശനം സംബന്ധിച്ച ചോദ്യം ഉയര്‍ന്നു. നെറ്റ്‌വർക്ക് 18 ഗ്രൂപ്പ് എഡിറ്റർ ഇൻ ചീഫ് രാഹുൽ ജോഷിക്ക് നൽകിയ പ്രത്യേക അഭിമുഖത്തിലാണ് തമിഴ്നാട് രാഷ്ട്രീയത്തെ കുറിച്ച് ധനമന്ത്രി നിലപാട് വ്യക്തമാക്കിയത്.

ഇതും വായിക്കുക: Exclusive: 'ഇത്തവണത്തെ ബജറ്റ് അല്പം വ്യത്യസ്തം'; ആഗോള അനിശ്ചിതത്വങ്ങൾക്കിടയിൽ സാമ്പത്തിക സുസ്ഥിരതയ്ക്കാണ് മുൻഗണനയെന്ന് ധനമന്ത്രി

'വിജയ്‌യു‌ടെ രാഷ്ട്രീയ പ്രവേശനം കണ്ട് ബിജെപി ഭയപ്പെടുന്നുണ്ടോ?' എന്ന ചോദ്യത്തിന് അവർ നൽകിയ മറുപടി ഇങ്ങനെയായിരുന്നു:

"ഡിഎംകെയാണ് വിജയ്‌യെ കണ്ട് ഭയപ്പെടേണ്ടത്. നിലവിൽ ഡിഎംകെ അനുഭവിക്കുന്ന ഭയം എനിക്ക് മനസ്സിലാക്കാൻ സാധിക്കുന്നുണ്ട്. ഒരു വശത്ത് വിജയ്‌യു‌ടെ രാഷ്ട്രീയ പ്രവേശനം, മറുവശത്ത് എൻഡിഎ സഖ്യം കൂടുതൽ കരുത്താർജ്ജിക്കുന്നു. ഈ ഭയം കാരണമാണ് ഡിഎംകെ സൗജന്യങ്ങൾ പ്രഖ്യാപിക്കുന്നത്. തമിഴ്‌നാട്ടിൽ ക്രമസമാധാന നില തകരുകയും ലഹരി മാഫിയ മുൻപില്ലാത്ത വിധം വർദ്ധിക്കുകയും ചെയ്തിട്ടുണ്ട്."