പ്രായം വകവെക്കാതെ പ്ലാസ്റ്റിക് കസേരയും ചെരിപ്പും ഉപയോഗിച്ച് കള്ളന്മാരെ തുരത്തി: ദമ്പതികൾക്ക് ധീരതയ്ക്കുള്ള അവാർഡ്

തിരുനെല്‍വേലി സ്വദേശികളായ പി.ഷൺമുഖവേലുവും ഭാര്യ സെന്താമരയും ആണ് ആ ധീര ദമ്പതികൾ. മാരക ആയുധങ്ങളുമായെത്തിയ മോഷ്ടാക്കളെ ഇവർ കസേരയും ചെരിപ്പുകളും ഉപയോഗിച്ചാണ് നേരിട്ടത്. ആയുധവുമായെത്തിയ മോഷ്ടാക്കൾ ആദ്യം ഷൺമുഖവേലുവിനെയാണ് ആക്രമിക്കുന്നത്. ഇയാളെ കഴുത്തിന് ഞെരിച്ച് കൊലപ്പെടുത്താനാണ് ശ്രമിക്കുന്നത് കണ്ടു കൊണ്ടെത്തിയ ഭാര്യ, സ്റ്റൂളുകളും കസേരകളും കള്ളന്മാർക്ക് നേരെ വലിച്ചെറിഞ്ഞു.

Also Read-പതിനാറുകാരനെ തട്ടിക്കൊണ്ടുപോയി പീഡനത്തിനിരയാക്കി; 38കാരി അറസ്റ്റിൽ

ഇതിനിടെ ഇവരുടെ പിടിയിൽ നിന്ന് മോചിതനായ ഷൺമുഖവേലുവും ഭാര്യക്കൊപ്പം ചേർന്ന് ഇവരെ നേരിട്ടു. ദമ്പതികൾ ധീരമായി പ്രതിരോധിക്കുന്നത് കണ്ട കള്ളന്മാർ അവിടെ നിന്നും ഓടി രക്ഷപ്പെടുകയായിരുന്നു.

ഭയപ്പെടാതെ മോഷ്ടാക്കളെ നേരിടുന്ന ദമ്പതികളുടെ സിസിറ്റിവി ദൃശ്യങ്ങൾ സോഷ്യൽ മീഡിയയിലും വൈറലായിരുന്നു.