പച്ച വാല്‍നക്ഷത്രം ഇന്ന് ഭൂമിയ്ക്ക് അടുത്തെത്തും; ഇന്ത്യയിൽ ഏതൊക്കെ സംസ്ഥാനങ്ങളിൽ ദൃശ്യമാകും? എപ്പോൾ കാണാം?

2023 ജനുവരിയോടെ സൂര്യന് ചുറ്റുമുള്ള ഭ്രമണം പൂർത്തിയാക്കിയ ശേഷമാണ് വാൽനക്ഷത്രം ഭൂമിയ്ക്ക് മുകളിലുള്ള ആകാശത്തിലേക്ക് കടക്കുന്നത്. സൂര്യപ്രകാശത്തിന്റെ സാന്നിദ്ധ്യവും നക്ഷത്രത്തിനുള്ളിലെ കാർബൺ തൻമാത്രകളുടെ സംയോജനവും കൊണ്ടാണ് ഇവയ്ക്ക് പച്ച കലർന്ന നിറം ലഭിച്ചതെന്നാണ് ശാസ്ത്രലോകത്തിന്റെ കണ്ടെത്തൽ.

ഭൂമിയുടെ ഉപരിതലത്തിൽ നിന്ന് 42 മില്യൺ കിലോമീറ്റർ അകലെയാണ് ഈ നക്ഷത്രം കാണപ്പെടുന്നത്. 50000 വർഷത്തിന് മുമ്പാണ് ഈ വാൽ നക്ഷത്രത്തെ അവസാനമായി കണ്ടത്. അന്ന് ഭൂമിയിൽ വസിച്ചിരുന്നത് നിയാണ്ടർതാൽ മനുഷ്യരായിരുന്നു.

ജെയിംസ് വെബ് ബഹിരാകാശ ദൂരദർശിനിയും (James Webb Space Telescope) ഹബ്ബിൾ ബഹിരാകാശ ദൂരദർശിനിയും (Hubble Space Telescope) പകർത്തിയ ഫാന്റം ഗാലക്സിയുടെ (Phantom Galaxy) അതി മനോഹരമായ ദൃശ്യങ്ങൾ നാഷണൽ എയറോനോട്ടിക്സ് ആൻഡ് സ്പേസ് അഡ്മിനിസ്ട്രേഷൻ (നാസ) അടുത്തിടെ പുറത്തുവിട്ടിരുന്നു. മെസ്സിയർ 74 അല്ലെങ്കിൽ എം74 (Messier 74 or M74) എന്നും അറിയപ്പെടുന്ന ഫാന്റം ഗാലക്‌സി, ‘ഗ്രാൻഡ് ഡിസൈൻ സ്‌പൈറൽ’ (grand design spiral) എന്നറിയപ്പെടുന്ന ഒരു പ്രത്യേക തരം ക്ഷീരപഥം (spiral galaxy) ആയിരുന്നു ഇത്.

രണ്ട് ബഹിരാകാശ ദൂരദർശിനികൾ പകർത്തിയ എം74 ഗാലക്‌സിയുടെ വ്യത്യസ്തവും തികച്ചും ആകർഷകവുമായ മൂന്ന് ദൃശ്യങ്ങൾ ആണ് നാസ പുറത്തുവിട്ടത്. ആദ്യ ചിത്രം ഇളം ചുവപ്പു നിറത്തിലുള്ള ഗാലക്‌സി ഫിലമെന്റുകളുടേതായിരുന്നു. ഗാലക്സിയുടെ കേന്ദ്രത്തിൽ നിന്ന് പുറത്തേക്കുള്ള ചുഴി പോലെയാണിത് കാണപ്പെട്ടിരുന്നത്. തിളക്കമുള്ള പിങ്ക് നിറത്തിലുള്ള പ്രദേശങ്ങളും ഇവയിൽ ഉൾപ്പെട്ടിരുന്നു.