Exclusive | കറുത്ത സ്‌പോര്‍ട്‌സ് ഷൂ, മെറൂണ്‍ തുണിക്കഷണം; ഡല്‍ഹി സ്‌ഫോടനത്തില്‍ ഡോ. ഉമര്‍ നബിയെ തിരിച്ചറിഞ്ഞത് ഇങ്ങനെ

നവംബർ 10 തിങ്കളാഴ്ചയാണ് രാജ്യതലസ്ഥാനമായ ഡൽഹിയെ നടുക്കി കാർ സ്‌ഫോടനം നടന്നത്. സ്‌ഫോടനത്തിൽ ഇതുവരെ 13 പേർ മരിക്കുകയും നിരവധിയാളുകൾക്ക് പരിക്കേൽക്കുകയും ചെയ്തു. സ്‌ഫോടനം നടക്കുമ്പോൾ തൊട്ടടുത്തുണ്ടായിരുന്ന നിരവധി വാഹനങ്ങൾക്ക് കേടുപാടുകൾ സംഭവിക്കുകയും ചെയ്തിരുന്നു. ഇവിടേക്ക് ആദ്യമെത്തിയ രക്ഷാപ്രവർത്തർ തീ അണയ്ക്കുന്നതിനും പരിക്കേറ്റവരെയും മരിച്ചവരെയും തൊട്ടടുത്തുള്ള ആശുപത്രിയിലേക്ക് എത്തിക്കുന്നതിന്റെയും തിരക്കിലായിരുന്നു. സ്‌ഫോടനം നടന്നിടത്ത് മുഴുവനായി തകർന്ന വെളുത്ത i20 കാറിന്റെ റിമ്മിൽ ഒരു കറുത്ത സ്‌പോർട്‌സ് ഷൂ കുടുങ്ങിക്കിടക്കുന്നത് ഡൽഹി പോലീസിലെ ഒരു ഉദ്യോഗസ്ഥനാണ് ശ്രദ്ധിച്ചത്.