ഇന്ത്യ- കാനഡ ബന്ധം; ഇന്ത്യക്കാർ എന്ത് ചിന്തിക്കുന്നു? ന്യൂസ് 18 സർവേ

കാനഡയുമായി ഇന്ത്യ നയതന്ത്ര സംഘർഷത്തിലായിട്ടു കുറച്ചുകാലമായി. കാനഡ, ഇന്ത്യക്കാരെ സംബന്ധിച്ച് വളരെ പ്രധാനപ്പെട്ടതും അടുപ്പമുള്ളതുമായ രാജ്യമാണ്. നിരവധി ഇന്ത്യക്കാരാണ് പഠിക്കാനും ജോലിക്കുമെല്ലാം കാനഡയിൽ ഉള്ളത്. ഇവരുടെ ഭാവിയെ പലപ്പോഴും ഇരുൾനിഴലിലാക്കിയതാണ് ഈ നയതന്ത്ര സംഘർഷം. ഖലിസ്ഥാനി ഭീകര നേതാവ് ഹർദീപ് സിംഗ് നിജ്ജറിന്റെ കൊലപാതകവുമായി ബന്ധപ്പെട്ടാണ് ഇരു രാജ്യങ്ങളും തമ്മിലുള്ള പ്രശ്നങ്ങൾ കലശലായത്. പഞ്ചാബിൽ നിന്നുള്ള നിരവധി സിഖ് വംശജർ കാനഡയിലുണ്ട്. ഇവരുടെ കൂടി സുരക്ഷയെയും ഭാവിയെയുമാണ് ഇന്ത്യാ വിരുദ്ധ ചിന്ത പ്രചരിപ്പിക്കുന്ന ഖലിസ്ഥാനി ഭീകരർ ആശങ്കയിലാക്കുന്നത്. നിജ്ജറിന്റെ കൊലപാതകത്തിന് പിന്നിൽ ഇന്ത്യക്ക് പങ്കുണ്ടെന്നായിരുന്നു കാനഡയുടെ വാദം. ഇത് കാനഡയിലെ സിഖ് വോട്ട് ബാങ്ക് ലക്ഷ്യമിട്ട് പ്രധാനമന്ത്രി ജസ്റ്റിൻ ട്രൂഡോ മുന്നോട്ട് വയ്ക്കുന്ന വാദമാണെന്നാണ് ഇന്ത്യ പറയുന്നത്. കഴിഞ്ഞദിവസം നയതന്ത്ര പ്രതിനിധികളെ പുറത്താക്കുന്നതുവനരെയെത്തി ഈ സംഘർഷസാഹചര്യം.