Lok Sabha Exit Poll 2019: മോദി അധികാരം നിലനിർത്തുമെന്ന് എക്സിറ്റ് പോൾ ഫലങ്ങൾ

എൻ ഡി എയ്ക്ക് 306 സീറ്റുകൾ ആണ് ടൈംസ് നൗ CNX പ്രവചനം. റിപ്പബ്ലിക് സീ വോട്ടർ സർവേയിൽ എൻ ഡി എയ്ക്ക് 287 ഉം റിപ്പബ്ലിക് ജൻ കീ ബാത്ത് സർവേയിൽ 305 ഉം സീറ്റുകൾ പ്രവചിയ്ക്കുന്നു. IANS-സി വോട്ടർ എൻ ഡി എയ്ക്ക് 287 ഉം എ ബി പി നീൽസൺ 267 ഉം സീറ്റുകൾ പ്രവചിയ്ക്കുന്നു.

ബംഗാളിൽ ചരിത്രത്തിൽ ആദ്യമായി ബിജെപി നേട്ടമുണ്ടാക്കും. പത്തിലേറെ സീറ്റുകൾ നേടാൻ ബിജെപിയ്ക്ക് കഴിഞ്ഞേക്കും. ഇതുവരെ പുറത്തു വന്നതിൽ എൻ ഡി എ സഖ്യത്തിന് 272 എന്ന മാന്ത്രിക സംഖ്യയിൽ എത്താൻ കഴിയില്ലെന്ന് പറഞ്ഞത് രണ്ടു സർവേകൾ മാത്രമാണ്. 267 സീറ്റ് പ്രവചിച്ച എ ബി പി എ സി നീൽസണും 242 സീറ്റ് പ്രവചിച്ച നേതാ ന്യൂസ് എക്സും. കഴിഞ്ഞ ലോക് സഭാ തെരഞ്ഞെടുപ്പ് കൃത്യമായി പ്രവചിച്ച ടുഡേസ് ചാണക്യ ഇത്തവണ 340 സീറ്റാണ് എൻ.ഡി.എയ്ക്ക് പ്രവചിയ്ക്കുന്നത്. യു.പി.എയ്ക്ക് എഴുപതും.