അങ്ങനെ മേരി കോം തന്റെ പങ്കാളിയെ കണ്ടെത്തി

വേൾഡ് ബോക്സിംഗ് ചാമ്പ്യൻഷിപ്പ് നേടിയതിന് ശേഷം രണ്ട് വർഷം വീട്ടിൽ നിന്നും മാറി നില്‍ക്കേണ്ടി വന്നു. ഡൽഹിയിൽ വളരെ കഷ്ടപ്പെട്ട് ബോക്സിംഗ് പരിശീലനം നടത്തിവരുകയായിരുന്നു. ഹിന്ദിയോ ഇംഗ്ലീഷോ വ്യക്തമായി അറിയില്ല. അതുകൊണ്ട് വളരെ കുറച്ച് മാത്രമെ സംസാരിക്കുകയുള്ളു. മണിപ്പൂരിൽ ഉപയോഗിക്കുന്ന ഭാഷ അറിയാവുന്നത് കോമിന് മാത്രമായിരുന്നു. ഏകാന്ത ജീവിതം വളരെ വിരസമായിരുന്നു. ഡൽഹിയിൽ പരിശീലനം നടക്കുന്ന സമയത്താണ് ആരോ തന്നെ കാണാൻ വന്നിട്ടുണ്ടെന്ന് പറയുന്നത്. വിശ്വസിക്കാൻ ബുദ്ധിമുട്ടായിരുന്നു, തനിക്കും സന്ദർശകർ വന്ന് തുടങ്ങിയോ എന്ന് ചിന്തിച്ചു. ഡൽഹിയിൽ വന്നിട്ട് ആദ്യമായാണ് ഒരു സന്ദർശകൻ കാണാൻ എത്തുന്നത്. രണ്ട് ചെറുപ്പക്കാരായിരുന്നു അവിടെ വന്നത്. ഒൺലറും സുഹൃത്തും ആയിരുന്നു തന്നെ കാണാൻ എത്തിയത്. ഈ രണ്ട് പേരെയും അന്ന് അറിയുമായിരുന്നില്ല. ഇവർ ആരായിരിക്കുമെന്ന് ചിന്തിച്ചുകൊണ്ടാണ് അവിടേക്ക് എത്തിയത്. ജീവിതത്തിൽ അതുവരെ പരിചയമില്ലാത്ത ആൾ പിന്നീട് ജീവിതത്തിന്റെ പ്രധാന ഭാഗമാകുമെന്ന് അന്ന് കരുതിയിരുന്നില്ല. ഒൺലർ അന്ന് ഡൽഹിയിലായിരുന്നു താമസം. കോ-റം സ്റ്റുഡന്‍റ് യൂണിയന്റെ പ്രസിഡന്റുമായിരുന്നു. നോർത്ത് ഈസ്റ്റിൽ നിന്നും ഡൽഹിയിൽ പഠിക്കാൻ വരുന്ന കുട്ടികൾക്ക് വളരെ സഹായമായിരുന്നു ഈ സംഘടന. അതുകൊണ്ട് തന്നെ അവിടുന്ന വന്ന മേരികോമിന് എന്തെങ്കിലും സഹായം ആവശ്യമുണ്ടോയെന്ന് അറിയാനായിരുന്നു അന്ന് ഒൺലർ എത്തിയത്.