'നിങ്ങളുടെ അടിയേറ്റുവാങ്ങാൻ സൂര്യനമസ്കാരം ചെയ്ത് എന്റെ പുറം ദൃഢമാക്കും': രാഹുലിന് മോദിയുടെ മറുപടി

ന്യൂഡൽഹി: യുവാക്കളുടെ തല്ലു വാങ്ങേണ്ടി വരുമെന്ന രാഹുൽ ഗാന്ധിയുടെ വിമർശനത്തിന് മറുപടി നൽകി പ്രധാനമന്ത്രി നരേന്ദ്ര മോദി. 'ആറു മാസത്തിനുള്ളിൽ എന്നെ ഇന്ത്യയിലെ ജനങ്ങൾ കമ്പു കൊണ്ട് തല്ലുമെന്ന് ഒരു നേതാവ് പറഞ്ഞതായി കേട്ടു.. പക്ഷെ ആ ആറു മാസത്തിനുള്ളിൽ വേണ്ടത്ര സൂര്യനമസ്കാരം ചെയ്ത് നിങ്ങളുടെ പ്രഹരം ഏറ്റു വാങ്ങാനായി എന്റെ പുറം ഞാൻ ദൃഢമാക്കും.. കഴിഞ്ഞ 20 വര്‍ഷമായി നിങ്ങളുടെ പ്രഹരങ്ങൾ ഞാൻ കൈകാര്യം ചെയ്തു വരികയാണ്'' കളിയായും കാര്യമായും പ്രധാനമന്ത്രി മറുപടി നൽകി. ലോക്സഭയില്‍ രാഹുൽ ഗാന്ധിയുടെ സാന്നിധ്യത്തിൽ തന്നെയായിരുന്നു മോദിയുടെ പ്രതികരണം.