ബംഗളൂരുവിൽ മെട്രോ തൂൺ നിർമാണത്തിനിടെ തകർന്നു; സ്കൂട്ടര് യാത്രക്കാരായ കുടുംബത്തിലെ അമ്മയും കുഞ്ഞും മരിച്ചു
- Published by:Jayesh Krishnan
- news18-malayalam
Last Updated:
ആശുപത്രിയില് പ്രവേശിപ്പിച്ചെങ്കിലും അമ്മയേയും കുഞ്ഞിനേയും രക്ഷിക്കാനായില്ല.
ബംഗളൂരു: നിർമ്മാണത്തിനിടെ മെട്രോ തൂൺ തകർന്ന് സ്കൂട്ടർ യാത്രക്കാരായ കുടുംബത്തിന്റെ മുകളിലേക്ക് വീണ് അമ്മയ്ക്കും രണ്ടര വയസുള്ള കുഞ്ഞിനും ദാരുണാന്ത്യം. അപകടസമയം ബൈക്കിൽ നാലു പേരായിരുന്നു ഉണ്ടായിരുന്നത്. രാവിലെ 10.30 ഓടെയാണ് അപകടമുണ്ടായത്.
തേജസ്വിനി എന്ന 28കാരിയായ യുവതിയും ഇവരുടെ രണ്ടര വയസുകാരനായ മകന് വിഹാനുമാണ് അപകടത്തിൽ മരിച്ചത്. മക്കളെ നഴ്സറിയിലാക്കാന് പോകുന്നതിനിടെയാണ് അപകടം. അപകടത്തിൽ പരിക്കേറ്റ പിതാവ് ലോഹിതും ഇവരുടെ ഒരു കുട്ടി വിസ്മിതയും ചികിത്സയിലാണ്. ആശുപത്രിയില് പ്രവേശിപ്പിച്ചെങ്കിലും അമ്മയേയും കുഞ്ഞിനേയും രക്ഷിക്കാനായില്ല.
ബെംഗളുരു മെട്രോയുടെ ഫേസ് 2 ബി പണികള് പുരോഗമിക്കുന്നതിനിടയിലാണ് അപകടമുണ്ടായത്. ബെംഗളുരു വിമാനത്താവളം വരെയാണ് ഈ ഘട്ടത്തിലെ പണികള് നടക്കുക. വലിയ ഭാരമുള്ള ഇരുമ്പ് കമ്പികള് നിലംപൊത്തിയാണ് അപകടമുണ്ടായത്.
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
Bangalore,Karnataka
First Published :
January 10, 2023 2:16 PM IST
മലയാളം വാർത്തകൾ/ വാർത്ത/India/
ബംഗളൂരുവിൽ മെട്രോ തൂൺ നിർമാണത്തിനിടെ തകർന്നു; സ്കൂട്ടര് യാത്രക്കാരായ കുടുംബത്തിലെ അമ്മയും കുഞ്ഞും മരിച്ചു
