ആലപ്പുഴയിൽ ജോബ്; കുമ്മനം;ബി ഗോപാലകൃഷ്ണൻ; ബിജെപി രണ്ടാംഘട്ട സ്ഥാനാർത്ഥി പട്ടിക

തിരുവനന്തപുരം ബിജെപിയുടെ രണ്ടാംഘട്ട സ്ഥാനാർത്ഥി പട്ടിക പുറത്ത്. 39 പേരുടെ പട്ടികയാണ് പുറത്തുവിട്ടത്. കുമ്മനം രാജശേഖരൻ ആറന്മുളയിൽ സ്ഥാനാർത്ഥിയാകും. റിയാലിറ്റി ഷോ താരം റോബിൻ രാധാകൃഷ്‌ണൻ കുണ്ടറയിൽ നിന്ന് ജനവിധി തേടും. നാട്ടികയിൽ സിപിഐ പുറത്താക്കിയ സി  സി മുകുന്ദനാണ് സ്ഥാനാർത്ഥി.  ബി ഗോപാലകൃഷ്‌ണൻ ഗുരുവായൂരിൽ മത്സരിക്കും. കോൺഗ്രസ് വിട്ട എം ജെ ജോബ് ആലപ്പുഴയിൽ സ്ഥാനാർത്ഥിയാകും. പറവൂരിൽ വത്സല പ്രസന്ന കുമാറാണ് സ്ഥാനാർത്ഥി . 4 വനിതകൾ രണ്ടാംഘട്ട പട്ടികയിലുണ്ട്. ആദ്യപട്ടികയിൽ 47 സ്ഥാനാർത്ഥികളെയാണ് പ്രഖ്യാപിച്ചത്. ഇതുവരെ 86പേരുടെ പട്ടികയാണ് ബിജെപി പുറത്തുവിട്ടത്.