Nita Ambani| 'ജീവിതത്തിലുടനീളം അനന്ത് വെല്ലുവിളികളെ നേരിട്ടു, വിജയിച്ചു'; ഇളയ മകനെക്കുറിച്ച് നിത അംബാനിയുടെ ഹൃദയംഗമമായ വാക്കുകൾ

റിലയൻസ് ഫൗണ്ടേഷൻ ചെയർപേഴ്‌സൺ നിത അംബാനി തന്റെ ഇളയ മകൻ അനന്ത് അംബാനിയെക്കുറിച്ച് പറഞ്ഞ വൈകാരികമായ വാക്കുകൾ ശ്രദ്ധനേടി. അനന്ത് ജീവിതത്തിലുടനീളം വെല്ലുവിളികളെ നേരിട്ടുവെന്നും വിജയിച്ചുവെന്നും നിത അംബാനി പറഞ്ഞു. അമേരിക്കൻ പര്യടനത്തിനിടെ ഹാർവാർഡ് ഇന്ത്യ കോൺഫറൻസിൽ സംസാരിക്കുകയായിരുന്നു റിലയൻസ് ഫൗണ്ടേഷന്റെ സ്ഥാപകയും ചെയർപേഴ്‌സണുമായ നിത അംബാനി. ജീവകാരുണ്യ പ്രവർത്തനങ്ങൾക്കുള്ള അംഗീകാരമായി, അമേരിക്കയിലെ മസാച്യുസെറ്റ്സ് സംസ്ഥാന ഗവർണറിൽ നിന്ന് പുരസ്കാരവും നിത അംബാനി ഏറ്റുവാങ്ങി.