മദ്യവും മുട്ടയും ബ്രേക്ക് ഫാസ്റ്റ് അല്ല; മെട്രോയിൽ പെഗ് അടിച്ച യുവാവ് അറസ്റ്റിൽ

മെട്രോയിലെ യാത്രക്കിടെ കോച്ചിനുള്ളിലിരുന്ന് മദ്യപിച്ച യുവാവിനെ പോലീസ് അറസ്റ്റ് ചെയ്തു. ഡല്‍ഹി മെട്രോയിലാണ് സംഭവം നടന്നത്. കോച്ചിനുള്ളിലിരുന്ന് ഇയാള്‍ മദ്യവും പുഴുങ്ങിയ മുട്ടയും കഴിക്കുന്നതിന്റെ വീഡിയോ സോഷ്യല്‍ മീഡിയയില്‍ പ്രചരിച്ചിരുന്നു. ഇതേത്തുടര്‍ന്ന് നടത്തിയ അന്വേഷണത്തിനൊടുവിലാണ് പോലീസ് ഇയാളെ അറസ്റ്റ് ചെയ്തത്. മെട്രോ ട്രെയിനുകള്‍ക്കുള്ളിലിരുന്ന് ആഹാരം കഴിക്കുന്നത് കര്‍ശനമായി നിരോധിച്ചിട്ടുണ്ട്. എന്നാല്‍ ഈ നിയന്ത്രണങ്ങള്‍ പല യാത്രക്കാരും പാലിക്കാറില്ല. ഈ യുവാവിന്റെ പ്രവൃത്തി അതിരുകടന്നുവെന്ന് നിരവധി പേര്‍ പറഞ്ഞു.