വേണ്ടാട്ടാ... രാഹുൽ ഗാന്ധി ബൂസ്റ്റും ഹോർലിക്സും തരുന്നുണ്ട്; ടിവികെയുടെ ഓഫർ നിരസിച്ച് കോൺഗ്രസ്

തിരുവാരൂരിൽ ഒരു വിവാഹ ചടങ്ങിൽ പങ്കെടുത്ത ശേഷം മാധ്യമങ്ങളോട് സംസാരിക്കുകയായിരുന്നു എസ് എ ചന്ദ്രശേഖർ. "കോൺഗ്രസിന് വലിയൊരു ചരിത്രവും പാരമ്പര്യവുമുണ്ട്. എന്നാൽ നിലവിൽ സംസ്ഥാനത്ത് പാർട്ടി ദുർബലമാണ്. അവരെ പഴയ പ്രതാപത്തിലേക്ക് തിരിച്ചുകൊണ്ടുവരാൻ പിന്തുണ നൽകാൻ വിജയ് തയ്യാറാണ്. ഈ അവസരം പ്രയോജനപ്പെടുത്തണോ എന്നത് കോൺഗ്രസാണ് തീരുമാനിക്കേണ്ടത്," അദ്ദേഹം പറഞ്ഞു. എന്നാൽ ഈ ക്ഷണത്തെക്കുറിച്ച് വിജയോ ടി‌വികെ നേതൃത്വമോ ഔദ്യോഗികമായി പ്രതികരിച്ചിട്ടില്ല.

ഡിഎംകെയുമായുള്ള സീറ്റ് വിഭജനം പ്രതിസന്ധിയിലായ സാഹചര്യത്തിൽ, വിജയിന്റെ പാർട്ടി നൽകിയ 60 സീറ്റുകളും മന്ത്രിസഭാ പങ്കാളിത്തവും എന്ന വാഗ്ദാനം കോൺഗ്രസിനുള്ളിൽ ഒരു വിഭാഗത്തെ ചിന്തിപ്പിക്കുന്നുണ്ടെന്നാണ് റിപ്പോർട്ടുകൾ. ഏപ്രിലിൽ നടക്കാനിരിക്കുന്ന തിരഞ്ഞെടുപ്പിൽ ഡിഎംകെ തുടർച്ചയായ രണ്ടാം തവണയും അധികാരം നിലനിർത്താൻ ശ്രമിക്കുമ്പോൾ, ഈ പുതിയ രാഷ്ട്രീയ നീക്കങ്ങൾ നിർണായകമാകും.