L2 Empuran: ഗോകുലം ഗോപാലനെതിരെയുള്ള ഇഡി റെയ്ഡിന് പിന്നിൽ LTTE ബന്ധമെന്ന് ഓർഗനൈസർ

ഗോകുലം ഗോപാലനെതിരെയുള്ള ഇഡി റെയ്ഡിന് പിന്നിൽ LTTE ബന്ധമെന്ന് ആർഎസ്എസ് മുഖപത്രമായ ഓർഗനൈസർ. വിമാദമായ  മലയാള ചിത്രമായ എമ്പുരാന്റെ ഫണ്ടിംഗിനെക്കുറിച്ച് അന്വേഷണത്തിൽ സംശയങ്ങൾ ഉയർന്നിട്ടുണ്ടെന്നാണ് ഓർഗനൈസർ റിപ്പോർട്ട് ചെയ്യുന്നത്. തുടക്കത്തിൽ, ബ്രിട്ടീഷ് പൗരനും ശ്രീലങ്കയിൽ ജനിച്ചതുമായ സുബാസ്കരൻ അല്ലിരാജ 2014 ൽ സ്ഥാപിച്ച ലൈക്ക പ്രൊഡക്ഷൻസ് എന്ന കമ്പനിയാണ് എമ്പുരാന്റെ നിർമ്മാണ പങ്കാളിയായത്. നിരോധിത ശ്രീലങ്കൻ തമിഴ് തീവ്രവാദ സംഘടനയായ എൽടിടിഇയുമായും വിദേശത്തുള്ള ജിഹാദി സംഘടനകളുമായും ലൈക്ക പ്രൊഡക്ഷൻസിന് ബന്ധമുള്ളതായി ആരോപണങ്ങളുണ്ടെന്നും ഓർഗനൈസർ റിപ്പോർട്ടിൽ പറയുന്നു. പിന്നീട് ലൈക്ക പ്രൊഡക്ഷൻസ് എമ്പൂരാന്റെ നിർമ്മാണ പങ്കാളിത്തത്തിൽ നിന്ന് പിൻമാറുകയായിരുന്നു. ഗോകുലം ഗോപാലനാണ് പിന്നീട് ചിത്രത്തിന്റെ നിർമ്മാണം ഏറ്റെടുത്തത്.