മുഹമ്മദ് നബിയെക്കുറിച്ച് സ്കൂൾ സിലബസിൽ വേണമെന്ന് SDPI നേതാവ്; അതൊക്കെ എപ്പഴേ ഉണ്ടെന്ന് എംകെ സ്റ്റാലിൻ

പ്രവാചകൻ മുഹമ്മദ് നബിയെക്കുറിച്ച് സ്കൂൾ സിലബസിൽ ഉൾപ്പെടുത്തണമെന്ന എസ്ഡിപിഐ നേതാവ് നെല്ലായ് മുബാറക്കിന്റെ ആവശ്യത്തോട് പ്രതികരിച്ച് തമിഴ്നാട് മുഖ്യമന്ത്രി എംകെ സ്റ്റാലിൻ.പ്രവാചകനെക്കുറിച്ചുള്ള പാഠങ്ങൾ ഇതിനകം തന്നെ സ്കൂൾ സിലബസിന്റെ ഭാഗമാണെന്ന് സ്റ്റാലിൻ വ്യക്തമാക്കി.പ്രവാചകൻ മുഹമ്മദ് നബിയുടെ സമത്വത്തിലും സ്നേഹത്തിലും അധിഷ്ഠിതമായ തത്വങ്ങളെ പ്രകീർത്തിച്ച് സംസാരിച്ച് സ്റ്റാലിൻ തമിഴ് പരിഷ്കരണവാദികളായ പെരിയാർ ഇ.വി. രാമസാമി, ഡി.എം.കെ നേതാക്കളായ സി.എൻ. അണ്ണാദുരൈ, എം. കരുണാനിധി തുടങ്ങിയവരുടെ പ്രത്യയശാസ്ത്രങ്ങളുമായി അവയെ ചേർത്തുവയ്ക്കുകയും ചെയ്തു.പ്രവാചകൻ മുഹമ്മദ് നബിയുടെ 1,500-ാം ജന്മദിനത്തോടനുബന്ധിച്ച് നടന്ന ഒരു ചടങ്ങിൽ സംസാരിക്കുകയായിരുന്നു അദ്ദേഹം.